09.11.2017 / 17:29

З літрам у страўніку і без правоў — як тры машыны ДАІ лавілі брэсцкага гоншчыка ВІДЭА 5

Cёння ноччу каля дванаццатай гадзіны тры экіпажы брэсцкага ДАІ спрабавалі затрымаць на вуліцах горада аўтамабіль «Опель Астра», за рулём якога — як пасля высветлілася — знаходзіўся 38-гадовы жыхар вёскі Відамля Камянецкага раёна. Кіроўца быў без правоў і ў стане алкагольнага ап'янення, паведамляе ДАІ Брэста.

Пра аўто, якое выконвала дзіўныя манёўры, ў ДАІ паведамілі па тэлефоне іншыя кіроўцы. Уключыўшы маячкі сіняга і чырвонага колераў, інспектары неаднаразова выказвалі патрабаванні спыніцца, у адказ на якія кіроўца толькі паскараўся.

На вул. Янкі Купалы кіроўца выехаў на сустрэчную паласу, чым стварыў рэальную пагрозу жыццю і здароўю іншых людзей. На шчасце, неўзабаве пасля гэтага парушальнік быў затрыманы. У пераследзе і затрыманні ўдзельнічалі тры экіпажы ДАІ.

Інспектары, што затрымалі бяспраўніка, адзначылі факт, што і кіроўца, і пасажыр, нягледзячы стан алкагольнага ап'янення, былі прышпіленыя рамянямі бяспекі.

У кіроўцы ў крыві было 1,9 праміле алкаголю, што прыкладна адпавядае ўжыванню ад 0,7 да 1 літра моцных спіртных напояў пры масе цела да 100 кілаграмаў. На парушальніка складзена 7 адміністрацыйных пратаколаў.

Відэа пераследу і затрымання - ДАІ Брэст.

Хочаш падзяліцца важнай інфармацыяй ананімна і канфідэнцыйна?

ДАІ Брэст

2
Калхазан / Адказаць
09.11.2017 / 18:54
Эх ребята, скорее всего вы тут и правы, но вам уже верят единицы людей, после всех косяков и вранья...
0
Витя / Адказаць
09.11.2017 / 21:48
Бред. После 350 грамм водки алкотест 203 (как у экипажей ГАИ) показывает приблизительно 2 промилле. Масса 90 кг.
0
Гость / Адказаць
10.11.2017 / 07:42
Зачем ГАИ нарушали ПДД при ловле ?
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру