09.11.2017 / 17:39

Лаўрэат Нобелеўскай прэміі Алфёраў: У 90-я рускую мову выгналі з беларускіх школ 110

Напярэдадні 100-годдзя Кастрычніцкай рэвалюцыі лаўрэат Нобелеўскай прэміі па фізіцы за 2000 год даў інтэрв’ю сайту «Ізборскій клуб». Алфёраў, як ураджэнец Чашнікаў, узгадаў у гутарцы і Беларусь.

У Алфёрава спыталіся, ці лічыць ён 7 Лістапада святам для яго. «Несумненна! Мяне радуе, як ставіцца да дасягненняў савецкага часу Аляксандр Рыгоравіч Лукашэнка.

Пасля 1991 года ў Беларусі пайшла такая ж рабаўніцкія прыватызацыя, як у Расіі, рускую мову выгналі са школ, а ўся дзяржаўная сімволіка - сцяг, герб і г.д. — капіявалі так званую Беларускую Народную Рэспубліку, якая была абвешчана ў час акупацыі Беларусі немцамі ў 1918 годзе. І дзень яе абвяшчэння абвясцілі дзяржаўным святам — Днём незалежнасці», — сказаў Алфёраў.

Гэта не адпавядае рэчаіснасці. 25 Сакавіка, калі была абвешчана незалежнасць БНР, ніколі не лічылася ў Беларусі Днём незалежнасці, у 90-я Дзень незалежнасці адзначаўся 27 ліпеня.

«А Лукашэнка вярнуў савецкую сімволіку, зрабіў рускую мову другой дзяржаўнай, і Дзень незалежнасці вырашана было адзначаць у дзень вызвалення Мінска Чырвонай Арміяй у 1944 годзе. Лукашэнка так і сказаў: Беларусь стала незалежнай дзякуючы Чырвонай Арміі. Я лічу, што найвялікшае свята і сапраўдны Дзень незалежнасці для Расеі — 7 лістапада. І хай ён да нас вернецца», — працягнуў Алфёраў.

Жарэс Алфёраў з’яўляецца сябрам Камуністычнай партыі Расійскай федэрацыі (КПРФ). Нобелеўскую прэмію ён атрымаў за распрацоўку паўправадніковых гетэраструктур і стварэнне хуткіх опта- і мікраэлектронных кампанентаў.

Школу Алфёраў скончыў у Мінску, але вучыцца ва ўніверсітэт паехаў у Ленінград. З таго часу жыве ў Расіі.

Зміцер Панкавец

7
Яуген / Адказаць
09.11.2017 / 17:50
Алферау той яшчэ савок. Нашчасце яго пакаленне ужо адыходзіць.
5
Nagibator / Адказаць
09.11.2017 / 17:50
Необразованность людей с дипломами - одна из самых больших проблем стран бывшего СССР. Незнание истории народов, образовавших некогда СССР, просто непреодолимое!
Вроде и Новелевский лауреат, а познания о своём народе и окружающем мире, ненамного отличается от среднестатистического
8
Бенедзікт / Адказаць
09.11.2017 / 17:50
Што з камуніста ўзяць... 
Паказаць усе каментары/ 110 /
Каб пакінуць каментар, калі ласка, актывуйце JavaScript у наладах свайго браўзеру