10.11.2017 / 15:56

Да 100-годдзя БНР выйшаў насценны каляндар «Адрасы БНР» ФОТАФАКТ 9

Да 100-годдзя абвяшчэння незалежнасці Беларускай Народнай Рэспублікі, што будзе адзначацца ў наступным годзе, выйшаў насценны каляндар «Адрасы БНР». Ён змяшчае 12 будынкаў, у якіх у розны час адбываліся падзеі, звязаныя з БНР.

Гэта — Купалаўскі тэатр, дзе ў снежні 1917 года адбыўся гістарычны Першы Усебеларускі з’езд, дом купца Мураўёва ў Гродне, дзе знаходзіўся ўрад БНР пасля выезду з Мінска, будынак Беларускай місіі ў Рызе. Ёсць у календары Вільня, Коўня, Прага, Талін і нават Нью-Ёрк!

Кожны з «адрасоў БНР» прэзентаваны ў сучасным выглядзе, з пазначэннем цяперашняга адрасу і ранейшага. Дзякуючы календару можна знайсці дом, дзе жылі прэзідэнты БНР Пётра Крэчэўскі і Васіль Захарка ў Празе.

Уклала каляндар гісторык Наталля Гардзіенка, а аздабленнем займаўся кіраўнік студыі «Адліга» Анатоль Лазар.

1
вм / Адказаць
10.11.2017 / 16:28
Чотка! А ці будзе ён у продажы?
4
Туш / Адказаць
10.11.2017 / 16:31
Яно канешне вельмі добра, але копіпаст крылаў з расійскага герба псуе ўражанне.
3
Ken / Адказаць
10.11.2017 / 17:31
як набыць
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру