10.11.2017 / 19:06

У верасні над Еўропай прайшла радыеактыўная хмара з Расіі альбо Казахстана 6

Над краінамі Еўропы ў апошні тыдзень верасня прайшло воблака радыеактыўнага забруджання, якое магло ўтварыцца ў выніку ўцечкі рутэнію-106 на тэрыторыі Расіі ці Казахстана. Пра гэта заявіў Французскі інстытут ядзернай бяспекі (IRSN), паведамляе Reuters.

Ілюстрацыйнае фота

IRSN выключыў, што гэта наступствы аварыі на ядзерным рэактары, заявіўшы, што інцыдэнт, верагодна, адбыўся ў месцы захоўвання ядзернага паліва або цэнтры радыеактыўнай медыцыны. IRSN адзначыў, што воблака не нанесла шкоды здароўю людзей або навакольнаму асяроддзю ў Еўропе.

IRSN адзначыў, што не можа дакладна вызначыць размяшчэнне пункту выкіду радыеактыўных матэрыялаў, але на аснове аналізу умоў надвор'я найбольш верагодная зона знаходзіцца на поўдзень ад Уральскіх гор, паміж Уралам і ракой Волга. Гэта можа ўказваць на Расію ці, магчыма, на Казахстан.

«Расейскія ўлады заявілі, што не ведаюць пра падобны інцыдэнт на сваёй тэрыторыі», — сказаў дырэктар IRSN Жан-Марк Перэс. Ён дадаў, што інстытут яшчэ не кантактаваў з уладамі Казахстана.

Перэс адзначыў, што ў апошнія тыдні IRSN і шэраг іншых інстытутаў ядзернай бяспекі ў Еўропе фіксавалі высокі ўзровень рутэнію-106 — радыенукліду, які з'яўляецца прадуктам распаду атамаў ў ядзерным рэактары і які не сустракаецца ў прыродзе.

Згодна з ацэнкай IRSN, колькасць рутэнію-106 складала 100-300 тэрабекерэляў, і калі б аварыя такога маштабу адбылася ў Францыі, то ў радыюсе некалькіх кіламетраў вакол эпіцэнтра абавязкова правялі б эвакуацыю людзей.

2
Мордехай В. / Адказаць
10.11.2017 / 19:35
Челябинск. Там и могильник, и переработка отходов, и производство плутония. И экология такая что наплевать.
1
Літвін / Адказаць
10.11.2017 / 19:58
Радыяцыя забівае непрыкметна,пакуль не вылязе хвароба,але лячыцца ужо будзе позна.Што трэба рабіць,Забараніць будову АЭС у Беларусі.
8
цывильны / Адказаць
11.11.2017 / 01:03
Мордехай В.,глянь на карту-какой Челябинск?Где Европа и где он?Чернобыль поближе будет,гораздо,мало ли какая утечка из под саркофага могла уйти,а самое страшно,что такой рассадник и у нас скоро появится под Островцом 
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру