12.11.2017 / 15:13

Беларус узняўся на найвышэйшую гару Акіяніі — піраміду Карстэнс 9

Гродзенец Вадзім Фралоў скарыў самы высокі пункт Аўстраліі і Акіяніі - піраміду Карстэнс і паставіў там сцяг Беларусі, паведамляе БелТА са спасылкай на АНТ.

На рахунку Вадзіма Фралова гэта ўжо чацвёрты пік з галоўнай праграмы альпіністаў «Сем вяршыняў» - заваяванне найвышэйшых кропак усіх шасці кантынентаў.

Піраміда Карстэнс - самая экзатычная вяршыня Аўстраліі і Акіяніі. Здзяйсняць узыходжанне групе, у складзе якой быў беларус, прыйшлося ў вельмі небяспечнай абстаноўцы. Праціўнікам альпіністаў было не толькі надвор'е (высокая вільготнасць і перапады тэмператур), але і складаная абстаноўка ў правінцыі Папуа: мясцовыя папуасы-бандыты ваююць з паліцыяй і насельніцтвам.

З-за небяспекі нападу да падножжа піраміды альпіністаў дастаўлялі верталётам. Таму яны і вырашылі адмовіцца ад акліматызацыі. Звычайна на гэта трацяць да трох дзён.

На піку вышынёй у 4 884 м Вадзім Фралоў разгарнуў сцяг Беларусі. На вяршыні піраміды Карстэнс таксама быў разгорнуты і сцяг Гродна.

У той дзень, акрамя беларускага, на піку былі яшчэ два сцягі: расійскі і ўкраінскі. Група і называла сябе «тры сястры».

Галоўная мара для Вадзіма Фралова цяпер - Эверэст. Ён хоча падняцца вышэй «зоны смерці» - 8 тыс. м над узроўнем мора. 

7
Ватнік / Адказаць
12.11.2017 / 15:21
А чаму не партрэт прызідзента?
2
LMI / Адказаць
12.11.2017 / 15:33
А братоў там у гэтых "сясьцер" не было
1
Room ace / Адказаць
12.11.2017 / 16:20
Троюродные сёстры
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру