13.11.2017 / 22:03

Жыхары беларускага памежжа вырашылі пазбіраць металалом і рогі на ўкраінскай тэрыторыі 3

Дзве групы беларусаў былі затрыманыя памежнікамі за парушэнне мяжы ў Палескім радыяцыйным запаведніку побач з адселенаю вёскай Уласы Хойніцкага раёна, паведамляе Дзяржпагранкамітэт Беларусі.

Паводле інфармацыі супрацоўнікаў Палескага дзяржаўнага радыяцыйнага экалагічнага запаведніка пагранічны нарад перапыніў незаконны маршрут двух грамадзян Беларусі. 9 лістапада 18- і 22-гадовыя жыхары Брагінскага раёна парушылі дзяржаўную мяжу з Беларусі ва Украіну і назад.

Родныя браты зараблялі пошукам і далейшай здачай рагоў аленя. У момант затрымання яны ўжо паспелі знайсці рогі трох асобін.

Другая група — іхныя землякі — таксама разлічвала застацца незаўважанай на тэрыторыі зоны адчужэння. Уначы 6 лістапада трое беларусаў незаконна перакрочылі беларуска-ўкраінскую мяжу на аўтамабілі УАЗ для нарыхтоўкі і далейшага ўвозу ў Беларусь рагоў дзікіх жывёл і лому чорнага металу. Іх затрымалі падчас вяртання ў краіну.

У першым выпадку затрыманыя браты прыцягнутыя да адміністрацыйнай адказнасці: яны аформленыя як парушальнікі дзяржаўнай мяжы і пагранічнага рэжыму. А вось парушальнікам на пазадарожніку пагражае больш сур'ёзнае пакаранне па крымінальным артыкуле.

У дачыненні да іх распачатая крымінальная справа па ч.1 арт. 371 КК Рэспублікі Беларусь. (Наўмыснае незаконнае перасячэнне Дзяржаўнай мяжы Рэспублікі Беларусь з выкарыстаннем механічнага транспартнага сродку). Ім можа пагражаць пазбаўленне волі на тэрмін да двух гадоў.

1
Вай вай / Адказаць
13.11.2017 / 22:17
С ума посходили. Границу с Украиной надо вообще отменить. Подумаешь какое нарушение - рога пошли пособирать в окрестностях да еще в регионе где заработать трудно. Ну это ж не в Минске жить где за просиживание штанов деньги платят.Не хотели белорусы видеть оппозицию во власти да и теперь не хотят - вот пусть теперь и получают по заслугам. Почему 
народец должен кто-то защищать , если он не способен когда надо отстоять защитников?


0
Мяжа ёсьць мяжа! / Адказаць
14.11.2017 / 12:04
 Павар'яцелі калі мяжу з расеяй адкрылі.А па ўсім астатнім можна дамовіцца. Было б жаданьне.
0
Генэрал Голад / Адказаць
14.11.2017 / 14:06
Украінцы ў нас вольна ходзяць, з дазволу ПРБ, і зьбіраюць ягады і грыбы. Былі выпадкі, што ўся ўкраінская вёска на беларускіх памежнікаў зь вілкамі бегла, каб затрыманых землякоў адбіць.
Каб пакінуць каментар, калі ласка, актывуйце JavaScript у наладах свайго браўзеру