14.11.2017 / 20:58

У Казахстане аштрафавалі групу чэхаў, якія фатаграфаваліся ў купальніках Бората 11

6 грамадзянаў Чэхіі былі затрыманыя ў мінулую пятніцу паліцыяй Астаны ў той момант, калі яны ў купальніках Бората на марозе спрабавалі сфатаграфавацца каля надпісу «I love Astana», паведамляе informburo.kz

У той жа дзень чэшскія турысты былі асуджаныя па адміністрацыйным артыкуле за дробнае хуліганства і прысуджаныя да штрафаў, пасля чаго адпушчаныя.

Грамадзяне Чэхіі каля надпісу «I love Astana» Фота: informburo.kz

Фільм Бэрана Коэна «Борат» выйшаў у пракат у 2006 годзе. Паводле сюжэту казахскі журналіст Борат Сагдзіеў едзе ў Каліфорнію, каб ажаніцца з зоркаю Playboy Памэлай Андэрсан.

Фільм афіцыйна не забаронены ў Казахстане, аднак у пачатку 2016 года афіцыйны прадстаўнік МЗС Казахстана Ержан Ашыкбаеў публічна выказаў надзею, «што кампаніі-пракатчыкі праявяць адказнасць і не будуць паказваць гэты фільм».

Пазней ўлады прызналі, што фільм «Борат» забяспечыў Казахстану нядрэнную рэкламу. Паток турыстаў у краіну значна вырас.

***

На тэлеграм-канал «Нашай Нівы» можна падпісацца тут.

18
Сергей / Адказаць
14.11.2017 / 21:08
Правильно сделали! Это явное домогательство!!
1
Валацуга / Адказаць
14.11.2017 / 22:21
А хіба націск не на другі склад - БарАт?
1
Барат Сагдзіеў / Адказаць
14.11.2017 / 23:14
Ай, гарюю!
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру