17.11.2017 / 18:06

Памёр беларускі консул у Стамбуле 15

Уладзіміру Мірановічу быў 61 год. На сайце консульства Беларусі ў Стамбуле паведамляецца, што смерць была раптоўнай.

Мірановіч нарадзіўся ў 1956 годзе ў Браславе. Скончыў Політэхнічны інстытут, а таксама Акадэмію кіравання пры прэзідэнце.

У савецкі час Мірановіч рэалізоўваўся як навукоўца, працаваў у Палітэху. Калі Беларусь стала незалежнай дзяржавай, ён прыйшоў на працу ў Міністэрства эканомікі.

З прыходам да ўлады Лукашэнкі працаваў у Апараце кабінета міністраў. На дыпламатычную службу ўпершыню трапіў у 1996 годзе — стаў дарадцам па гандлёва-эканамічных пытаннях пры пасольстве Беларусі ў Ізраілі. Такую самую пасаду ён займаў пры пасольстве Беларусі ў ЗША (2003—2007) і Чэхіі (2010—2014).

На пасаду генеральнага консула Беларусі ў Стамбуле заступіў летась.

«Я бачу ў Стамбуле вялікі патэнцыял; гэта вельмі буйны прамысловы, фінансавы, культурны, гістарычны цэнтр. Тут пражывае каля 20 млн чалавек, засяроджана мноства фінансавых цэнтраў краіны, а таму вельмі шмат магчымасцяў для развіцця супрацоўніцтва з асацыяцыямі, асобнымі бізнесменамі і кампаніямі», — казаў ён пра свае планы.

ЗП

7
ДЭН / Адказаць
17.11.2017 / 19:16
Супер
3
екглю / Адказаць
17.11.2017 / 21:49
Пошел вслед за Карловым.
2
Ирина / Адказаць
18.11.2017 / 00:36
Это, конечно, очень печальный факт. Моё соболезнование родным и близким. Но, у нас столько институтов, где обучают молодых специалистов бесплатно и платно. Неужели наша система обучения настолько ограничена, что невозможно послать консулом молодого специалиста. Никак не может наша стана отойти от времён Брежнева((((
Паказаць усе каментары/ 15 /
Каб пакінуць каментар, калі ласка, актывуйце JavaScript у наладах свайго браўзеру