18.11.2017 / 17:00

Памёр адзін з заснавальнікаў AC/DC Малькольм Янг 46

Ангус (злева) і Малькольм (справа) былі галоўнай сілай АС/DC, што прывяло музыкаў да сусветнай славы

Адзін з заснавальнікаў аўстралійскага гурта AC/DC Малькольм Янг памёр ва ўзросце 64 гадоў. Паведамленне пра гэта з'явілася ў фэйсбуку гурта, а потым разляцелася па сусветных СМІ.

Малькольм заснаваў гурт AC/DC, які стаў адным з самых вядомых у гісторыі рок-музыкі, у 1973 годзе разам са сваім братам Ангусам. Іх брат Джордж, які памёр у кастрычніку гэтага года, быў прадзюсарам.

Браты Янг былі суаўтарамі ўсіх кампазіцый гурта, запісаных з моманту выхаду іх дэбютнага альбома High Voltage ў 1975 годзе і да альбома 2014 года Rock or Bust. Гурт прадаў больш за 200 млн асобнікаў сваіх запісаў па ўсім свеце, у тым ліку 71,5 млн у ЗША.

«Малькольм быў яркім музыкам, які спалучаў у сабе таленты кампазітара, гітарыста, выканаўцы і прадзюсара. Яго стаўленне да музыкі натхняла многіх», - гаворыцца ў заяве групы.

Малькольм нарадзіўся ў 1953 годзе ў Глазга, а калі яму было 10 гадоў, яго бацькі эмігравалі ў Аўстралію. У 2014 годзе высветлілася, што ён пакутуе ад дэменцыі. Пішуць, што ён не мог згадаць, як граць песні AC/DС

На сайце гурта яго брат Ангус Янг напісаў, што Малькольм быў рухаючай сілай групы і заўсёды аддаваў ёй усё свой час і сілы: «Ён заўсёды заставаўся верным самому сабе і казаў і рабіў толькі тое, што хоча».

«Мне цяжка выказаць словамі тую ролю, якую брат адыграў у маім жыцці, сувязь паміж намі была ўнікальнай. Ён пакінуў пасля сябе вялікую творчую спадчыну, якая будзе жыць вечна», - напісаў Ангус.

94
Алена / Адказаць
18.11.2017 / 17:13
З дзяцінства замест калыханкі слухала AC/DC, Nazareth, Kiss, бо старэйшы 14-гадовы брацік быў аматарам хэві металу. Што хачу сказаць. Такая музыка разбурае псіхіку і мозг. Вось Малькольма Янга давяла да дэменцыі. Многія з пакалення майго брата сталі алкаголікамі. Сто гадоў яўна не пражывеш, калі такое слухаць.
1
dalwitz / Адказаць
18.11.2017 / 17:29
Уходят кумиры . Вечная память ..
2
Нехта / Адказаць
18.11.2017 / 17:41
Алена, ну что за бред? В Квитнеючай мужики живут в среднем 66 лет -- неужели из-за хеви-метала?  
Паказаць усе каментары/ 46 /
Каб пакінуць каментар, калі ласка, актывуйце JavaScript у наладах свайго браўзеру