19.11.2017 / 15:00

Бумеранг дыктатуры: сыход Мугабэ азначае падзенне ўсёй яго сям'і 47

Робэрт Мугабэ (справа) глядзіць на свайго віцэ-прэзідэнта Эмерсана Мнанганву (злева), які зачытвае віншаванне прэзідэнту з 93-годдзем. Фота Філімона Булаваё, Ройтэрз.

Рашэннем з'езда кіруючай партыі Зімбабвэ Саюз афрыканскага народа Зімбабвэ — Патрыятычны фронт прэзідэнт краіны Роберт Мугабэ зняты з пасады яе лідара. Разам з прэзідэнтам з партыі выключылі і яго жонку Грэйс. Мугабэ паставілі ультыматум: або ён падасць у адстаўку сам, або ў аўторак яму будзе абвешчаны імпічмент.

Новым лідарам краіны фактычна стаў былы віцэ-прэзідэнт краіны Эмерсан Мнангагва. Былы, бо ўсяго паўтара тыдня таму Мугабэ адправіў яго ў адстаўку. Раней Мнангагва ўзначальваў спецслужбы Зімбабвэ, а пасля быў міністрам абароны і займаў розныя міністэрскія пасады ў эканамічным блоку.

Менавіта адстаўка Мнангагва, на якой настойвала жонка прэзідэнта, прывяла да палітычных зменаў у Зімбабвэ. Вайскоўцы, якія падтрымлівалі Мнангагву, ўвялі ў сталіцу краіны бранятэхніку, занялі тэлебачанне, заблакавалі парламент і будынак урада. Роберта Мугабэ яны змясцілі пад хатні арышт, запатрабаваўшы вяртання Мнангагвы на пасаду віцэ-прэзідэнта. Пазней прадстаўнікі вайсковага камандавання запатрабавалі адстаўкі Мугабэ.

Сам прэзідэнт добраахвотна пакідаць сваю пасаду адмовіўся, заявіўшы, што рашэнне павінна прымацца на партыйным з'ездзе. Тады сілавікі сабралі з'езд.

Мугабэ кіраваў Зімбабвэ ад 1987 года, а перад тым ён быў адным з лідараў партызан.

Звяртае ўвагу, як скіданне Мугабэ адначасова паставіла крыж на кар'еры і амбіцыях усёй яго сям'і. Жонка Грэйс стала аб'ектам нянавісці, а частка сваякоў ужо ўцякла ў Паўднёва-Афрыканскую Рэспубліку.

Амаль тое самае нядаўна адбылося ва Узбекістане: пасля смерці Іслама Карымава ягоная дачка не толькі страціла прывілеі, але і апынулася ў турме.

Мугабэ трымаў уладу так доўга, бо не вагаючыся ўжываў сілу супраць сваіх апанентаў.

Кампанію ціску на Мугабэ з мэтай прымусіць яго да адстаўкі ўзначалілі ветэраны сілавых структур краіны. «Прэзідэнт сыходзіць. Хай жыве новы прэзідэнт!» — усклікнуў кіраўнік зімбабвійскага Саюза ветэранаў перад галасаваннем кіраўнічай партыі, вынік якога быў перадвырашаны.

Пераварот быў практычна бяскроўны.

Сяргей Гезгала

115
Олег Г. / Адказаць
19.11.2017 / 15:31
Это государственный переворот. От власти отстранён законный президент. Ему угрожает опасность. Сергей Васильевич утром имел разговор с Александром Григорьевичем и просил предоставить нашему другу Роберту политическое убежище. Президент с нами солидарен. Будем молиться за семью Мугабе и ждать скорого прибытия в Минск.
1
Axel Justas42 / Адказаць
19.11.2017 / 15:31
Засталося абвінаваціць у вядзьмярстве і спаліць на вогнішчы... А Рыгорычу - прывітанне. 4% дыктатараў паміраюць на свабодзе ў сваім ложку.
0
Непрыхвасьцень / Адказаць
19.11.2017 / 15:39
Уго нет.. мугабэ нет.. Каддафи нет.. Башар уже давно политический труп. Так сказать, призраки прошлого.. Шурик, похоже, тебе пора на выход?..
Паказаць усе каментары/ 47 /
Каб пакінуць каментар, калі ласка, актывуйце JavaScript у наладах свайго браўзеру