AP
Былая тэнісістка Яна Новатна памерла на 50-м годзе жыцця. Пра гэта паведамляе прэс-служба Жаночай тэніснай асацыяцыі (WTA).
У апошнія гады чэшская спартсменка змагалася з ракавым захворваннем.
«Яна натхняла людзей на корце і па-за яго межамі, усіх, хто ведаў яе, — сказаў выканаўчы дырэктар WTA Стыў Сайман. - Яе зорка будзе заўсёды ярка ззяць ў гісторыі WTA. Выказваю спачуванні сям'і Яны».
Новатна выйграла Уімблдон ў 1998 годзе, яна займала другое месца ў адзіночным рэйтынгу WTA і першае ў парным. Яна двойчы станавілася сярэбраным прызёрам Алімпіяды ў парным разрадзе і адзін раз заваявала бронзу ў адзіночным. У парным разрадзе чэшка 12 разоў была пераможцай турніраў серыі Вялікага шлема, у міксце — чатыры разы. У 2005 годзе яна ўвайшла ў Міжнародную залу славы тэніса.
