20.11.2017 / 14:12

Украінца Шаройку будуць судзіць за шпіянаж, беларуса — за здраду дзяржаве 32

Павел Шаройка

20 лістапада КДБ правёў экстранны брыфінг, прысвечаны затрыманню ўкраінскага журналіста Паўла Шаройкі, якога падазраюць у шпіянажы.

Нагадаем, што карэспандэнт «Украінскага радыё» ў Беларусі Павел Шаройка знік у Мінску. Яго сям’я і калегі заявілі, што Шаройку затрымалі 25 кастрычніка, але яны не агучвалі гэта спадзяючыся, што дыпламатычныя высілкі па вызваленні дадуць плён. Украінскі консул, якога пусцілі да журналіста, паведамляў, што Шаройка знаходзіцца ў СІЗА КДБ — яго вінавацяць у шпіянажы, ён пад следствам.

І вось, нарэшце затрыманне Паўла Шаройкі пракаментаваў беларускі Камітэт дзяржбяспекі.

«Кадравы супрацоўнік вайсковай разведкі Украіны Павел Шаройка быў затрыманы 25 кастрычніка. Пасада карэспандэнта радыё была прыкрыццём. У Беларусі Шаройка стварыў агентурную сетку з беларускіх грамадзянаў, якія за грошы збіралі інфармацыю з вайскова-палітычнай сферы на карысць Украіны», — паведаміў журналістам Дзмітрый Пабяржын, афіцыйны прадстаўнік КДБ.

На Шаройку завялі справу — яго вінавацяць у шпіянажы, пацвердзіў Пабяржын. Па яго словах, сам Шаройка ўжо прызнаў, што ён кадравы супрацоўнік украінскай разведкі і мае званне палкоўніка. Пры вобшуку ў яго знайшлі копіі данясенняў у цэнтр.

Курыраваў дзейнасць Шаройкі ў Беларусі Ігар Скварцоў — па версіі КДБ, штатны супрацоўнік украінскай разведкі, які пад прыкрыццём працаваў дарадцам украінскага пасольства. Скварцоў ужо аб’яўлены персонай нон-грата.

Акрамя таго быў затрыманы і грамадзянін Беларусі, паведаміў Пабяржын. Беларус шпіёніў на карысць Украіны, ён ужо прызнаў, што «збіраў і перадаваў інфармацыю пра абароназдольнасць Рэспублікі Беларусь». У дачыненні да беларуса завялі справу аб здрадзе дзяржаве, што пагражае зняволеннем ад сямі да 15 гадоў.

Улад Швядовіч

6
Алесь / Адказаць
20.11.2017 / 14:19
А колькі такіх агентаў ад Расеі ў нас, без аніякага прыкрыцця працуюць?
11
вельмі цікава / Адказаць
20.11.2017 / 14:24
А мне цікава, калі б, напрыклад, вырашылі "падставіць" журналіста і свядома прапанавалі яму, быццам, сакрэтны дакумент важны для яго радзімы. То ён павінен быў бы адмовіцца і нават у рукі нічога не браць? Бо можна ж было і засаду арганізаваць? У нас жа даўно не сакрэт, што могуць зладзіць правакацыю з хабарам? Галоўнае схапіць чалавека, а потым можна гадамі мурыжыць па тутэйшаму правасуддзю? Тымчук піша, што там быў не дакумент, а нейкая "лажа".
10
Совок нет / Адказаць
20.11.2017 / 14:25
Шо? "Копии донесений?)))))))))))))))))))))))))))))))))))))))) А, может он ещё и форму полковника СБУ хронил? 
Паказаць усе каментары/ 32 /
Каб пакінуць каментар, калі ласка, актывуйце JavaScript у наладах свайго браўзеру