Прапануем вам два смачныя рэцэпты сандвічаў (смакавыя якасці правераныя на сабе).
Варыянт № 1: Гарачыя бутэрброды з мацарэлай
Вам спатрэбяцца:
- Таматы, 3 штукі;
- Хлеб для бутэрбродаў, 3 штукі;
- Мацарэла, 200 грамаў*;
- Аліўкі, 200 грамаў*;
- Аліўкавы алей, некалькі сталовых лыжак;
- Базілік, соль, і перац на смак.
Распачынаем гатаванне.
Парэжце памідоры кружочкамі. Хлеб для бутэрбродаў падзяліце на дзве часткі, пасля крыху прымніце мякіш відэльцам і спырсніце яго аліўкавым алеем. Здрабніце мацарэлу і аліўкі. Затым усе інгрэдыенты выкладвайце на хлеб (можна ў той паслядоўнасці, як вам хочацца, але мы раім пачаць з сыру — тады ён лепш расплавіцца і аддасць свой мяккі смак хлебу). Перад тым, як адпраўляць бутэрброды ў духоўку (ці мікрахвалёўку), зноў спырсніце іх алеем і пасыпце базілікам, перцам і соллю. Запякайце 10 хвілінак.
Лайфхак: асабліва добра такія бутэрброды засвойваюцца пад гарачую гарбату*.
Варыянт № 2: Тарталеткі з печанню траскі
Вам спатрэбяцца:
- Гатовыя тарталеткі, 16 штук;
- Печань траскі, 1 слоік;
- Кансерваваны гарошак, 1 слоік*;
- Марынаваныя агуркі, 5 штук;
- Курыныя яйкі, 4 штукі;
- Маянэз, 1-2 сталовых лыжкі*;
- Свежы кроп;
- Соль, перац — да густу.
Паехалі!
Пастаўце варыцца яйкі ўкрутую. Пакуль яны гатуюцца, зліце лішнюю вадкасць са слоікаў з траской і гарошкам. Печань парэжце на кубікі. Астудзіце вараныя яйкі, пачысціце іх і таксама здрабніце. На мелкія скрылікі парэжце агуркі, пашаткуйце кроп. У салатніку змяшайце ўсе падрыхтаваныя інгрэдыенты: печань траскі, яйкі, агуркі, зеляніну і гарошак. Запраўце атрыманую салату маянэзам, дадайце соль, перац і ўсе гэта перамяшайце. Цяпер вам застаецца толькі раскласці масу,што атрымалася, па тарталетках.
Смачна есці!
*Набываючы дадзеныя тавары ў крамах «Суседзі» 24 лістапада, у чорную пятніцу, вы маеце магчымасць вярнуць да 70% цаны ў «Купілку». На аліўкі ж з 22 лістапада дзейнічае сур'ёзная зніжка: 1,75 замест 2,29 рублёў. Маянэз «Макоўскі» будзе каштаваць 1,49 замест 2,19 рублёў.