22.11.2017 / 18:23

Камандзір баснійскіх сербаў Ратка Младзіч прысуджаны да пажыццёвага зняволення за генацыд 82

Гаагскі трыбунал па ваенных злачынствах у былой Югаславіі прысудзіў былога генерала арміі баснійскіх сербаў Ратка Младзіча да пажыццёвага зняволення, прызнаўшы яго вінаватым у генацыдзе і злачынствах супраць чалавечнасці.

Ратка Младзіч у гады вайны ў былой Югаславіі ў першай палове 1990-х камандаваў арміяй баснійскіх сербаў і, на думку трыбунала, вінаваты ў забойстве тысяч мірных жыхароў Босніі і Герцагавіны.

Галоўнае са злачынстваў, учыненых па загадзе Ратка Младзіча — разня ў Срэбраніцы, дзе ў 1995 годзе былі забітыя больш за сем тысяч мусульман, мужчын і хлопчыкаў.

«Палата (частка трыбунала) прыйшла да высновы, што супраць баснійскіх мусульман у Срэбраніцы былі здзейсненыя злачынствы, якія кваліфікуюцца як генацыд, пераследу, знішчэнне і гвалтоўнае перасоўванне», - сказаў, зачытваючы прысуд, старшыня Міжнароднага трыбунала ААН па былой Югаславіі (МТБЮ), суддзя з Нідэрландаў Альфонс Орые.

Жанчына з Босніі радуецца прысуду Младзічу ў Гаазе, AP

Младзіча таксама абвінавачваюць у злачынствах, якія здзейснілі ваенныя фарміраванні сербаў пад яго камандаваннем, якія асаджалі Сараева. Аблога працягвалася каля трох з паловай гадоў, за гэты час у горадзе загінулі больш за 10 тысяч чалавек.

Суддзя Альфонс Орые сказаў у сераду ў судзе, што Младзіч асабіста камандаваў артылерыяй, абстрэльвалі жылыя раёны Сараева, паказваючы, куды страляць.

На пачатку пасяджэння Орые нагадаў, што Ратка Младзіч абвінавачваўся па адзінаццаці эпізодах, у тым ліку па двух эпізодах генацыду і пяці эпізодах, якія абвінавачванне кваліфікавала як злачынствы супраць чалавечнасці. Усе гэтыя злачынствы былі здзейсненыя з мая 1992 па лістапад 1995 года

У снежні мінулага года пракурор папрасіў пакараць Младзіча да пажыццёвага зняволення.

Reuters.com

Былы генерал, якому зараз 75 гадоў, хаваўся ад міжнароднага трыбунала на працягу 16 гадоў. Ён быў арыштаваны ў маі 2011 года ў выніку аперацыі сербскіх спецслужбаў і адпраўлены для суда ў Гаагу.

Младзіч адхіляе ўсе абвінавачванні ў свой адрас.

У сакавіку гэтага года міжнародны трыбунал па былой Югаславіі прысудзіў экс-лідара баснійскіх сербаў Радавана Караджыча да 40 гадоў турмы за генацыд і ваенныя злачынствы падчас вайны ў Босьніі ў 1992-95 гадах.

Ратка Младзіч — апошняя са знакавых фігур, якія апынуліся на лаве падсудных перад Гаагскім трыбуналам. У бліжэйшыя месяцы гэты створаны ААН спецыяльны суд павінен спыніцца на гэтым.

28
Pepe / Адказаць
22.11.2017 / 15:09
А воинов религии мира и добра когда призовут к ответу за тысячи подобных деяний?? Нетолерантно?...
23
Пятрок / Адказаць
22.11.2017 / 15:40
Pepe, прычым тут баснійцы да радыкальных ісламістаў? Баснійцы моцна пацярпелі ад сербаў-шавіністаў падчас вайны.
18
Моё имя / Адказаць
22.11.2017 / 15:45
Все войны идут под знаменами различных религий ...
Может все эти религии взять и отменить ? 
А поклоняться будем солнцу и свету ..А оно одно на всех ..
Исчезнет основная причина войн ..
Паказаць усе каментары/ 82 /
Каб пакінуць каментар, калі ласка, актывуйце JavaScript у наладах свайго браўзеру