23.11.2017 / 13:41

Касірка мінскага будаўнічага гіпермаркета афармляла фіктыўныя чэкі вяртання і прысвоіла 17 тысяч рублёў

Маскоўскім (г. Мінска) РАСК завершана расследаванне крымінальнай справы ў дачыненні да 30-гадовай жанчыны, якая абвінавачваецца ў здзяйсненні злачынства, прадугледжанага ч. 3 арт. 211 (прысабечванне і растрата маёмасці асобай у буйным памеры) Крымінальнага кодэкса Рэспублікі Беларусь, паведамляе sk.gov.by.

Следствам устаноўлена, што кантролер-касір будаўнічага гіпермаркета з сакавіка па чэрвень 2017 года сістэматычна рэалізоўвала пакупнікам таварна-матэрыяльныя каштоўнасці, пасля чаго афармляла фіктыўныя чэкі вяртання. На падставе фіскальных дакументаў яна забірала з касы атрыманыя ад рэалізацыі тавараў грошы і забірала іх сабе.

У рамках выбарачнага правядзення праверак у адміністрацыі супермаркета выклікала падазрэнне, што ў жанчыны маецца найбольшая колькасць ануляваных і адкладзеных чэкаў. Пачалося разбіральніцтва. Падчас чарговай спробы выдаць на рукі пакупніку копію чэка і правесці вяртанне тавару, дзеянні прадаўшчыцы былі спынены. У ходзе інвентарызацыі і прагляду запісаў відэакамер, выяўлены ўсе эпізоды супрацьпраўнай дзейнасці касіра.

Жанчына пакрыла шкоду ў поўным аб'ёме. На яе маёмасць следчымі накладзены арышт на суму больш за 120 000 рублёў. У дачыненні да абвінавачанай прыменена мера стрымання ў выглядзе падпіскі аб нявыездзе і належных паводзінах.

Матэрыялы крымінальнай справы перададзеныя пракурору для накіравання ў суд.

Каб пакінуць каментар, калі ласка, актывуйце JavaScript у наладах свайго браўзеру