23.11.2017 / 15:16

24 ноября в издательстве «Янушкевич» — черная пятница: скидки на Маркеса, Костюшко, «Сэксуальную рэвалюцыю» … 1

На все книжки действует скидка 25%.

Выдавецтва далучаецца да сусветнага шалу «Чорнай пятніцы» і зніжае цэны на ўвесь свой асартымент кніг. Толькі адзін дзень можна набыць арыгінальныя даследаванні па гісторыі Беларусі і мастацкія творы, якія сталі бестселерамі. Вы знойдзеце шыкоўныя пераклады нобелеўскіх лаўрэатаў, творы пераможцаў прэмій Гедройца і «Дэбют», проста выдатную літаратуру на беларускай для прыемнага чытання на любы густ і ўзрост.

Сярод бестселераў выдавецтва «Янушкевіч»:

Аляксандр Гужалоўскі. Сэксуальная рэвалюцыя ў Савецкай Беларусі. 1917-1929 гг.

Спецыяльнае даследаванне радыкальных змен у сямейна-шлюбных адносінах і сэксуальным жыцці беларускага грамадства пасля пасля бальшавіцкага перавароту 1917 г. Першае дзесяцігоддзе пад савецкай уладай характарызавалася неверагоднай нават па сённяшніх мерках свабодай нораваў і маралі. «Сэксуальная рэвалюцыя» (менавіта такі тэрмін выкарыстоўваецца ў навуцы) прывяла да дэзарганізацыі традыцыйнага сямейна-шлюбнага ладу і нарматыўнай няпэўнасці, паслаблення інстытуту шлюбу і заснаванай на ім сэксуальнай маральнасці, рэзкага павелічэння колькасці абортаў, росту прастытуцыі і венерычных захворванняў. З іншага боку, рэвалюцыйныя трансфармацыі 1920-х гг. упершыню паставілі сэксуальнасць у грамадскі дыскурс, назаўсёды пазбавілі інтымную сферу таямнічасці і сакральнасці, кардынальна змянілі ментальнасць беларусаў на карысць «савецкага чалавека».

 

Кухмістр Верашчака. Сакатала бочачка. Праўдзівая гісторыя нашых напояў

Новая кніга вядомага спецыяліста ў галіне кулінарнай справы Алеся Белага па гісторыі самых важных і знакавых алкагольных напояў Беларусі. У большасці выпадкаў яны былі цалкам забытыя ў нашай краіне, адкінутыя таталітарным ХХ стагоддзем як «чужынскія». Аўтар праз руплівае вывучэнне пісьмовых і візуальных крыніц імкнецца вярнуць забытыя традыцыі ў кантэкст сучаснасці. Перад вамі — унікальны ілюстраваны даведнік, надзейная крыніца ведаў і вобразаў у «пікантнай» і зусім мала знанай сферы айчыннай гісторыі і культуры.

 

Уладзімір Падалінскі. Прадстаўніцтва Вялікага Княства Літоўскага на Люблінскім сойме 1569 года

Манаграфія прысвечана дзейнасці і персанальнаму складу прадстаўніцтва Вялікага Княства Літоўскага на Люблінскім сойме ў ліпені — жніўні 1569 г. У кнізе аналізуюцца соймавыя дыскусіі і рашэнні па вызначэнні дзяржаўна-прававога статусу ВКЛ у складзе Рэчы Паспалітай, забеспячэнні абароны краіны, вырашэнні мясцовых і асабістых спраў. Упершыню робіцца спроба стварыць калектыўны партрэт велікакняжацкіх сенатараў і земскіх паслоў, якія ўдзельнічалі ў працы Люблінскага сойма.

 

Анатоль Трафімчык. «Наш Касцюшка слаўны!»: Гістарычная постаць Тадэвуша Касцюшкі ў беларускай літаратуры

Першае комплекснае даследаванне мастацкага вобраза ў беларускай літаратурнай традыцыі лідара вызвольнага паўстання 1794 г. у Рэчы Паспалітай, героя барацьбы за незалежнасць англійскіх калоній у Паўночнай Амерыцы Андрэя Тадэвуша Банавентуры Касцюшкі. Увагай даследчыка ахоплены ўвесь вядомы корпус беларускіх літаратурна-мастацкіх тэкстаў, прысвечаных Касцюшку.

 

Габрыель Гарсія Маркес. Каханне падчас халеры

«Каханне падчас халеры» — раман знакамітага калумбійскага пісьменніка, лаўрэата Нобелеўскай прэміі 1982 года Габрыеля Гарсія Маркеса (1927—2014). Упершыню выйшаў з друку ў 1985 годзе.

Прыгажуня Фэрміна Даса адмовілася выйсці замуж за Флярэнтына Арысу, якога кахала. І пабралася шлюбам з іншым. Флярэнтына ж не траціў надзеі некалі падзяліць з каханай шчасце сумеснага жыцця. Праз пяцьдзясят тры гады, сем месяцаў і адзінаццаць дзён яго мара здзейснілася.

«Я ніколі не чытаў такой дзівоснай фінальнай часткі, такой сімфанічнай, упэўненай у сваёй дынаміцы і рытме, што плыве бы рачная лодка, а яе дасведчаны аўтар і штурман смела вядзе нас між небяспечнымі скептыцызмам і спачуваннем, па той самай рацэ, якую ўсе мы ведаем, і без яго навігацыі тут не будзе кахання…» — так узнёсла пра раман «Каханне падчас халеры» адгукнуўся на старонках The New York Times славуты амерыканскі пісьменнік Томас Пінчан.

 

Ісмаіль Кадарэ. Хроніка ў камені

Творчасць албанскага пісьменніка Ісмаіля Кадарэ, лаўрэата адной з самых прэстыжных літаратурных узнагарод — Міжнароднай Букераўскай прэміі 2005 года, шырока вядомая ва ўсім свеце. У рамане «Хроніка ў камені», які непасрэдна спрычыніўся да сусветнай славы аўтара, вачыма хлопца-падлетка паказаны яго родны горад Дзіракастра за часамі італьянскай і нямецкай акупацыі ў Другую сусветную вайну. Гэта не толькі самы асабісты, але і самы лірычны твор жывога класіка албанскай і еўрапейскай літаратуры.

Раман І. Кадарэ «Хроніка ў камені» ніколі не выдаваўся на рускай мове, як і на мовах іншых суседзяў Беларусі. З гэтай прычыны беларускі пераклад з’яўляецца сапраўды ўнікальнай з’явай для ўсёй Усходняй Еўропы.

 

Макс Шчур. Галасы

У новую кнігу прозы Макса Шчура, лаўрэата прэміі Гедройца 2016 года за раман «Завяршыць гештальт», увайшлі апавяданні, напісаныя ў у 2011—2017 гг., а таксама новая аповесць «Чалавек з футаралам».

0
sad / Ответить
23.11.2017 / 19:01
Choć adna paziyŭnaja navina za dzień. Niama čaho čytać tut, to choć knižak načytajusia
Чтобы оставить комментарий, пожалуйста, активируйте JavaScript в настройках своего браузера