24.11.2017 / 14:31

Лукашэнка: Рашэнне накіраваць кіраўніка МЗС у Брусэль было прынята задоўга да саміта 20

Рашэнне накіраваць у Брусэль кіраўніка МЗС Уладзіміра Макея было прынята задоўга да саміта Усходняга партнёрства.

Пра гэта Аляксандр Лукашэнка заявіў сёння журналістам у Буда-Кашалёўскім раёне з нагоды ўзроўню прадстаўніцтва Беларусі на саміце, а таксама пра нібыта расійскі след у гэтым пытанні, паведамляе БелТА.

«У гэтым пытанні канспіралогіі няма. Ніякіх расійскіх, амерыканскіх, украінскіх слядоў у гэтай тэме таксама няма, — растлумачыў кіраўнік дзяржавы. — Як звычайна, паступіла асабістае запрашэнне на імя прэзідэнта, як і раней на гэты саміт. Але вы ведаеце, як было ў ранейшыя гады — запрашэнне на саміт на імя Лукашэнкі, але заўсёды на гэтыя саміты ездзіў міністр замежных спраў. Напэўна, не вельмі ўжо і хацелі бачыць мяне некаторыя асобы ў Еўрапейскім саюзе, але гэтая справа ўжо якая пайшла. Не ў гэтым справа. Усе мае міжнародныя паездкі, усе мае камандзіроўкі плануюцца на год наперад, і яны ўвязваюцца з ўнутранымі мерапрыемствамі «.

«Калі мы планавалі гэтае мерапрыемства, мы ведалі, што саміт адбудзецца ў канцы лістапада ў гэты дзень. Тады ніякіх запрашэнняў не было, і мы запланавалі туды візіт міністра замежных спраў, яшчэ за паўгода да саміту, можа быць, і раней.

А ўжо бліжэй да саміту чамусьці раптам Еўрапейскі саюз пажадаў бачыць там прэзідэнта Беларусі. Дзякуй ім за гэта, што яны нарэшце зразумелі, што без Беларусі не можа быць Еўропы. Дарэчы, міністр замежных спраў ФРГ так і сказаў: вы - цэнтр Еўропы, якая Еўропа без Беларусі», - працягнуў Аляксандр Лукашэнка.

Пры гэтым кіраўнік дзяржавы расказаў, што дадзеная паездка ў Гомельскую вобласць, у Буда-Кашалёўскі раён, была запланаваная загадзя. Прычым яна тройчы адкладалася. «Што, трэба было яшчэ раз адкласці?» - задаў рытарычнае пытанне кіраўнік краіны.

Ён выказаў упэўненасць, што «з тым парадкам дня, з тым, што там, у Брусэлі, адбываецца, міністр заўсёды спраўляўся і справіцца на гэты раз».

0
Žvir / Адказаць
24.11.2017 / 14:39
Chto ž prymaū takoje rašeņnie, što jaho, navat ciaham doūhaha času, užo niamožna bylo ni pierahliedziec`, ni adkarektavac` navat prezydentu ?
1
Сняжок / Адказаць
24.11.2017 / 14:41
 Хороший танцор не сложит все яйца в одну корзину.
0
belariy / Адказаць
24.11.2017 / 14:43
ну так правільна. які там яшчэ нафіг міжнародны саміт, калі трэба ехаць у Буда-Кашалёва ??
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру