24.11.2017 / 20:26

Яшчэ два залатыя медалі Расіі на Алімпіядзе ў Сочы аказаліся дапінгаваныя. Яна адышла на трэцяе месца ў медальным заліку 30

Камісія МАК пад кіраўніцтвам Дзяніса Освальда прызнала вінаватымі ў парушэнні антыдопінгавых правілаў расійскіх бабслеістаў Аляксандра Зубкова і Вольгу Стульневу, а таксама канькабежцаў Вольгу Фаткуліну і Аляксандра Румянцава, паведамляе РБК.

Аляксандр Зубкоў

Расійскіх бабслеістаў Аляксандра Зубкова і Вольгу Стульневу, а таксама канькабежцаў Вольгу Фаткуліну і Аляксандра Румянцава рашэннем камісіі МАК пад кіраўніцтвам Дзяніса Освальда прызналі вінаватымі ў парушэнні антыдопінгавых правілаў, паведамляе афіцыйны сайт арганізацыі. Усе чацвёра пажыццёва адхілены ад удзелу ў Алімпіядах, іх вынікі на Гульнях-2014 у Сочы ануляваныя.

Праз адмену вынікаў Зубкова Расія страціла два залатыя медалі. У двойках Зубкоў перамог разам з Аляксеем Ваяводай. Цяпер золата атрымаюць швейцарцы Біт Хефці і Алекс Баўман. Срэбра дастанецца амерыканцам Стывэну Холкамбу і Стывэну Лэнгтану. Холкамб ў маі 2017 года памёр ва ўзросце 37 гадоў. У яго крыві былі выяўленыя алкаголь і снатворнае. Бронзу атрымаюць расіяне Аляксандр Касьянаў і Максім Белугін.

Фаткуліна выйграла ў Сочы сярэбраны медаль у бегу на 500 метраў. Зараз яе ўзнагарода дастанецца галандскай канькабежцы Маргат Бур, бронзу перададуць Чжан Хун з Кітая. Золата засталося ў Лі Сан Хва з Паўднёвай Карэі. Стульнева і Румянцаў на Гульнях 2014 года медаляў не выйгравалі.

Расія апусцілася на трэцяе месца ў агульнакамандным медальным заліку. З 33 узнагарод, выйграных ў Сочы, у зборнай адабралі ўжо дзевяць. Цяпер у Расіі ўсяго 24 медалі (10 залатых, 7 сярэбраных і 7 бронзавых). Лідэрства захапілі нарвежцы. У іх 29 узнагарод (11 залатых, 6 сярэбраных і 12 бронзавых). Другімі сталі канадцы — 25 медалёў (10 залатых, 10 сярэбраных і 5 бронзавых).

rbc.ru

2
Русафоб непамяркоуны, Змагар, Свядомы , Пан, Беларус-ту / Адказаць
24.11.2017 / 20:48
Чакаем 5 снежня, калi будзе аб'ялена рашэнне па забароне удзелу рсфср у Алiмпiядзе у Пауднева Карэi
0
Цынік / Адказаць
24.11.2017 / 21:19
Так і мы можам увайсці ў тройку лепшых па медалях Сочы-14
0
РРР / Адказаць
24.11.2017 / 21:29
А хіба не папярэджвалі карупцыянэраў з МАК, што Расіі няможна даваць праводзіць алімпіяды і нават конкурсы котак?
Там даўно ўсё схоплена, куплена і прададзена!
Калі там адбудзецца чэмпіянат сьвету па футболе, разборкі працягнуцца яшчэ гадоў як мінімум на 10.
Ёсьць яшчэ час перадаць гэты чэмпіянат ну хоць бы Англіі.
Паказаць усе каментары/ 30 /
Каб пакінуць каментар, калі ласка, актывуйце JavaScript у наладах свайго браўзеру