27.11.2017 / 18:16

«Для таго, каб чытаць»: настаўнікаў прымушаюць выпісваць «Советскую Белоруссію» і не толькі ДАКУМЕНТ 51

Рэпетытар Яўген Лівянт выклаў у інтэрнэт копію распараджэння аддзела адукацыі Ваўкавыскага райвыканкама да кіраўнікоў школ і садкоў раёна.

У тым дакуменце даводзіцца план падпіскі на «Советскую Белоруссію», «Настаўніцкую газету», «Гродзенскую праўду», «Наш час»: там нават распісана, колькі супрацоўнікаў установы адукацыі колькі і якіх менавіта газет маюць выпісаць.

Падсумоўваецца гэта матывуючай фразай:

«Звяртаю вашу ўвагу, што план на падпіску дадзены з улікам таго, што ведамственная падпіска не выконваецца і мы павінны яе перакрыць!!!!!». 

Пад дакументам стаіць імя начальніцы тамтэйшага адзела адукацыі Таццяны Газізавай.

«Наша Ніва» пазваніла чыноўніцы з пытаннем пра сэнс такіх планаў. Мы перапыталі таксама, ці сапраўды ў аддзеле адукацыі больш няма работы, як выводзіць графікі падпіскі, а потым іх адсочваць.

Прыводзім фрагменты далейшай размовы:

— Хто-хто вы? (Запісвае імя). Дык у чым, яшчэ раз, сутнасць пытання?

— Чаму гэтая практыка існуе? Чаму вы такія прымусы высылаеце?

— А хіба ж гэта прымус? Вы паглядзіце ўважліва. Там напісана, што мы загадваем?

— Давайце не будзем расказваць адзін аднаму анекдоты і даводзіць, што ў нашай сістэме каардынат слова «рэкамендацыя» з выканкама азначае рэкамендацыю, а не загад.

— Ніхто нікому не загадвае. Там няма слова «загадваем».

— Дык навошта вы ім «рэкамендуеце» падпісвацца?

— Падпісвацца для таго, каб чытаць. Я яшчэ раз пытаюся, там ёсць слова «загад»? Я не бачу, пра што тут больш гаварыць, да пабачэння.

Варта таксама згадаць, што нейкі час таму пісьменніца Яўгенія Пастэрнак пісала запыт у Адміністрацыю прэзідэнта з просьбай патлумачыць механізм і сэнс настаўніцкіх падпісак, на што прыйшоў адказ, што такога абавязку няма.

Арцём Гарбацэвіч

1
Seka / Адказаць
27.11.2017 / 18:24
Газізаў... Ім пляваць на адукацыю, ім трэба рабіць зомбі з людзей сваёй прапагандай...
16
Студент / Адказаць
27.11.2017 / 18:24
Принуждать можно только рабов. Всем известно, что учителя являются активными соучастнками фальсификаций выборов. Поэтому,к этой категории людей у меня, мягко говоря, презрительное отношение.
0
Vargh / Адказаць
27.11.2017 / 18:25
Обязанности де юре нет, а от паталогическое желание у мелких чинуш с синдромом вахтёра полебезить перед "белыми господами" в надежде шо авось верную собачку с насиженного места не сгонят, а глядишь - ещё и косточку подбросят на праздник - есть и ещё какое. Так и живём. Тьфу...
Паказаць усе каментары/ 51 /
Каб пакінуць каментар, калі ласка, актывуйце JavaScript у наладах свайго браўзеру