02.12.2017 / 09:12

Мінфін зноў прыпыніў ліцэнзію вядомаму страхоўшчыку 2

Міністэрства фінансаў паведаміла аб прыпыненні ліцэнзіі страхавой кампаніі «Бі энд Бі іншурэнс Ко» з 11 снежня 2017 года па 10 красавіка 2018 года, піша Tut.by.

Як вынікае з паведамлення Мінфіна, кампанія не ліквідавала выяўленыя ў ходзе кантрольных мерапрыемстваў парушэнні патрабаванняў заканадаўства аб страхаванні, якія выявіліся «ў незабеспячэнні грашовымі сродкамі ў поўным аб'ёме сфармаваных да размяшчэння страхавых рэзерваў і мінімальнага памеру статутнага фонду ва ўстаноўлены патрабаваннем (загадам) Міністэрства фінансаў тэрмін».

У перыяд прыпынення дзеяння ліцэнзіі «Бі энд Бі іншурэнс» мае права прымаць чарговыя часткі страхавых узносаў і абавязана выконваць абавязацельствы па ажыццяўленні страхавых выплат па раней заключаных ім дзеючых дамовах страхавання, гаворыцца ў заяве Мінфіна.

Варта адзначыць, што рэгулятар ўжо не першы раз прыпыняе ліцэнзію гэтай страхавой кампаніі. У 2014 годзе Мінфін меў намер прыпыніць ліцэнзію з 15 красавіка па 14 лістапада. Аднак аднавіў яе ўжо 21 ліпеня.

0
Иншурэнс / Адказаць
02.12.2017 / 10:23
Боря не дал денег Мише? Миша быкует?
1
Гость / Адказаць
02.12.2017 / 15:18
Эта контора "известна" давным-давно !
Каб пакінуць каментар, калі ласка, актывуйце JavaScript у наладах свайго браўзеру