12.12.2017 / 13:11

Каб выканаць загад пра заробак 1000 рублёў, работнікаў прымушаюць браць адгулы за свой кошт  42

«Наша Ніва» атрымала такі ліст з Бабруйска:

«З нагоды апошніх падзей наконт дасягнення сярэднемесячнага заробку у 1000 рублей у снежні. Хочацца распавесці, як вырашаюць кіраўнікі прадпрыемства ААТ «Кіруючая кампанія холдынгу «Бабруйскаграмаш» гэтае пытанне.

На прадпрыемстве ідзе вусны загад з боку непасрэдных кіраўнікоў пра неабходнасць напісаць заяву на адгул на 8—10 дзён за свой кошт. Пры гэтым працоўныя абавязаны заставацца на сваіх працоўных месцах і працаваць як ні ў чым не бывала. Складаюцца графікі, хто павінен «сысці ў адгул» у які дзень, каб пасля не ўзнікла блытаніны.

Незадаволеным і тым, хто адмаўляецца пісаць заявы, прапануюць адразу прайсці да дырэктара для вырашэння пытанняў.

Пры гэтым абяцаюць, што заробак за снежань застанецца на ранейшым узроўні. Г.зн. па дакументах чалавек за месяц адпрацаваў з дваццаці рабочых дзён толькі 10, але зарплату ён атрымаў як і раней, за цэлы месяц. Адпаведна, потым сярэднюю зарплату палічаць, зыходзячы ўжо з поўных працоўных дзён за месяц. І яна ўжо будзе перавышаць абяцаныя 1000 рублёў, але, на жаль, толькі на паперы».

Ад рэдактара

Аналагічную інфармацыю мы атрымалі ад супрацоўнікаў Беларускай чыгункі. Стан іх прадпрыемства таксама не дазваляў дасягнуць рэальнага заробку 1000 рублёў, таму і ў іх работнікаў прымушалі пісаць заявы пра адпачынак «за свой кошт» на частку дзён, каб дацягнуць дэклараваны заробак да загаданага. І людзі пішуць, бо баяцца звальнення.

«Наша Ніва» на працягу трох дзён намагалася звязацца з кіраўніцтвам «Бабруйскаграмаша», але нам усе дні казалі, што дырэктара і яго намесніка па эканамічных пытаннях няма на працы.

Даслаў чытач з Бабруйска; ілюстрацыйнае фота Сяргея Гудзіліна

1
минчук / Адказаць
12.12.2017 / 13:17
9 декабря БТ 1 программа ПАНОРАМА показала сюжет о Минском заводе автоматических линий.Холодные неотапливаемые цеха.Задержка с выплатой зарплаты на пару месяцев.КАК ТАМ ДЕЛА У РАБОТНИКОВ СЕГОДНЯ
0
ales' / Адказаць
12.12.2017 / 13:23
Адпаведна налічэнне працоўнага стажу не ідзе, афіцыйна працоўны адсутнічае на працы. Цікава што будуць рабіць калі працоўны атрымае траўму на працоўным месцы.
0
Макс / Адказаць
12.12.2017 / 13:26
Задача пятого класса решена на отлично!
Паказаць усе каментары/ 42 /
Каб пакінуць каментар, калі ласка, актывуйце JavaScript у наладах свайго браўзеру