03.12.2017 / 19:32

Чыноўнікі і дырэктарат складаюць большасць у абласных і раённых выбарчых камісіях 7

Значную частку сябраў раённых і гарадскіх выбарчых камісій па выбарах дэпутатаў мясцовых Саветаў традыцыйна складаюць прадстаўнікі 5-6 праўладных грамадскіх арганізацый, паведамляе spring96.org.

Гэта РГА «Белая Русь», РГА «БРСМ», Грамадскае аб'яднанне ветэранаў, Беларускі саюз жанчын, Беларускі саюз афіцэраў і афіцыйныя прафсаюзы, якія ўваходзяць у ФПБ. Аднак хто ж на самай справе замаскіраваўся пад шыльдамі грамадскіх арганізацый і вылучэнцаў ад грамадзянаў шляхам падачы заяў?

У складзе Мінскай абласной выбарчай камісіі па выбарах дэпутатаў мясцовых Саветаў — 13 сябраў, якія вылучаны ад партый, грамадскіх аб'яднанняў, шляхам падачы заяў і … аніводнага вылучэнца ад працоўных калектываў. З іх 8 — кіраўнікі прадпрыемстваў, арганізацый і ўстаноў вобласці, начальнікі структурных падраздзяленняў абласнога выканаўчага камітэта.

Прыкладна такое ж «прадстаўніцтва» дырэктарата ў складзе Магілёўскай абласной выбарчай камісіі, куды пад маскай грамадскіх арганізацый і вылучэнцаў ад грамадзянаў шляхам падачы заяў патрапілі сем кіраўнікоў арганізацый і ўстаноў абласнога цэнтра.

Віцебская раённая выбарчая камісія таксама не стала выключэннем з практыкі схаванага вылучэння начальнікаў і кіраўнікоў раённых службаў і аддзелаў, якія вылучаліся шляхам збору подпісаў і падачы заяў (6 з 13).

Не лепшым чынам выглядае сітуацыя і з фарміраваннем Гродзенскай абласной выбарчай камісіі, якая складаецца з кіраўнікоў дзяржпрадпрыемстваў, іх філіялаў і навуковых устаноў (5 з 13), а таксама з кіраўнікоў праўладных грамадскіх арганізацый, якія вылучылі сваіх прадстаўнікоў у камісію (4 з 13). Сакратар абласной камісіі Андрэй Кухто, які быў вылучаны Гродзенскай абласной арганізацыяй прафсаюза работнікаў дзяржаўных і іншых устаноў, з'яўляецца намеснікам начальніка ўпраўлення арганізацыйна-кадравай працы аблвыканкама.

А вось у складзе Гродзенскай гарадской выбарчай камісіі даволі шмат працаўнікоў сферы адукацыі (5 з 13). Таксама ў камісію ўвайшлі кіраўнікі дзяржаўных прадпрыемстваў, работнікі сферы аховы здароўя, першы сакратар Кастрычніцкага РК «БРСМ» і два супрацоўнікі Гродзенскага выканкама, якія, дарэчы, вылучаліся шляхам збору подпісаў.

Рэкардсменам жа выступае Глыбоцкая раённай выбарчая камісія: у яе складзе аж 10 схаваных ад людскіх вачэй кіруючых работнікаў розных узроўняў, альбо 77% ад усяго складу.

І гэта пры тым, што партыйныя вылучэнцы прадстаўленыя ў камісіях вельмі сціпла: шмат дзе абраныя вылучэнцы альбо ад КПБ і Партыі працы і справядлівасці, альбо толькі ад адной з гэтых партый (Гомельская гарадская, Веткаўская, Жлобінская, Кармянская, Рэчыцкая, Рагачоўская, Мазырская раённыя выбарчыя камісіі), ЛДП (Мінская і Магілёўская абласная камісія). Яшчэ горш сітуацыя з прадстаўніцтвам у камісіях вылучэнцаў дэмакратычных апазіцыйных партый, якіх за выключэннем прадстаўніка АГП, практычна няма.

«Рэзервам» для больш шырокага прадстаўніцтва ў складзе камісій праўладных грамадскіх арганізацый з'яўляюцца тыя ж вылучэнцы ад грамадзян шляхам падачы заяў, якіх, як правіла, налічваецца па 3-4 у кожнай камісіі.

Так, у склад Гомельскай гарадской камісіі вылучана шляхам падачы заявы Наталля Мамрукова, якая з'яўляецца намеснікам старшыні абласной арганізацыі РГА «Белая Русь». А ў склад Светлагорскай раённай выбарчай камісіі ўвайшлі тры прадстаўнікі галіновых прафсаюзаў, якія ўваходзяць у склад ФПБ. Яшчэ ж столькі прафсаюзных функцыянераў «замаскіравалася» пад графой: «шляхам падачы заяў». Усяго — 6.

У катэгорыю вылучаных грамадзянамі шляхам падачы заяў, як правіла, трапляюць адказныя работнікі райвыканкамаў, кіраўнікі ўстаноў адукацыі і медыкі. З чатырох сябраў Рэчыцкай раённай выбарчай камісіі, якія вылучаліся шляхам збору подпісаў — 2 педагогі і чыноўнікі райвыканкама.

spring96.org

0
Ня ведаю. / Адказаць
03.12.2017 / 22:40
Пра выбары у Беларуси ци добра, ци ничога.
1
Зьвяга / Адказаць
03.12.2017 / 23:21
Ня ведаю.

... пра ДУРЫБАРЫ!
1
увы. / Адказаць
04.12.2017 / 08:10
т.е. коррумпированные и повязанные преступными сетями  марионетки.  которые пляшут так, как приказывает тот, кто их держит на поводке.
зы
давно  пора освещать благосостояние этих особей, на предмет выявления не соответствия их официальным доходам на бумаге. умалчивание этой информации только развязывает им руки.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру