04.12.2017 / 11:11

WADA знайшло новыя пацверджанні абвінавачванняў Родчанкава 22

Сусветнае антыдопінгавае агенцтва (WADA) заявіла пра сапраўднасць атрыманага ім электроннага файла, у якім утрымлівалася база дадзеных допінг-пробаў расійскіх спартсменаў са студзеня 2012 па жнівень 2015 года.

Пра гэта ў нядзелю, 3 снежня, паведаміла рэдакцыя ARD/WDR, якая займаецца пытаннямі выкарыстання допінгу ў спорце, са спасылкай на галоўнага следчага WADA Гюнтэра Юнгера, піша Deutsche Welle.

«Мы завяршылі крыміналістычную экспертызу і можам пацвердзіць сапраўднасць гэтай базы дадзеных», — падкрэсліў Юнгер. Ён дадаў, што яе ўтрыманне падмацоўвае сцвярджэнні экс-кіраўніка «антыдопінгавага цэнтра» Рыгора Родчанкава пра тое, што ў названы перыяд у Расіі на дзяржаўным узроўні рабіліся намаганні «для абароны расейскіх атлетаў, якія, як мяркуецца, удзельнічалі ў праграме допінгу». Па словах Юнгера, «расследаванне будзе працягнута», каб высветліць імёны канкрэтных спартсменаў.

Заява WADA узмацніла ціск на функцыянераў Міжнароднага алімпійскага камітэта (МАК), якія ўвечары 5 снежня на пасяджэнні ў Лазане павінны прыняць рашэнне аб санкцыях у дачыненні да расійскай зборнай. Сярод магчымых мер — поўная забарона на яе ўдзел у Гульнях у Пхенчхане або ўдзел у Алімпіядзе пад нейтральным сцягам і буйны грашовы штраф.

Як паведаміла ў лістападзе The New York Times, файл з вынікамі допінг-тэстаў у Маскоўскай антыдопінгавай лабараторыі быў перададзены WADA ў кастрычніку нейкім інфарматарам, а не праз афіцыйныя каналы.

2
HHH / Адказаць
04.12.2017 / 11:31
Тое, што Лубянка чарговы раз пракалолася, гэта і вожыку зразумела. А тое, што на дзяржаўным узроўні ўсе зь пенаю ля рота бароняць дапінгістаў, сьведчыць толькі пра адно: усё гэтае махлярства было зацьверджана ў Расіі на самым высокім дзяржаўным узроўні.
Параўнайце. На допінгу быў выкрыты шматразовы чэмпіён, якога называлі "легендай амэрыканскага спорту", раварыст Армстранг. І што - яго баранілі прэзыдэнт ці Кангрэс? Што - яны і прэса вылівалі цэбры памыяў на ВАДА? Не! Усе ў Амэрыцы Армстранга асудзілі, а фэдэрацыя прымусіла заплаціць вялізны штраф. А прэзыдэнт Штатаў не называў публічна здраднікам таго, хто правёў адпаведную праверку і выкрыў Армстранга.
А ў Расіі міністра спорту (якога за яго жульніцтвы не пусьцілі на Алімпіяду ў Рыо-дэ-Жанэйра!) адправілі на павышэньне - зрабілі віцэ-прэм'ерам. І яшчэ - убачыце! - пашлюць чэмпіянат сьвету па футболе адкрываць.
Цяпер расійская прэса пачала пісаць, што, аказваецца, "усе на сьвеце спартоўцы ўжываюць допінг". Хутка пачнуць пісаць, што "ўсе на сьвеце СМІ, як і мы, пішуць адну хлусьню"...
32
Шок / Адказаць
04.12.2017 / 13:21
А зачем что-то доказывать? Какой суд сказал, что Россия виновна? Да бросьте, зачем заморачиваться, раз родченков сказал - значит виновна, поверим на слово. И еще применим коллективную ответственность. Все согласно нашим европейским ценностям.
30
anton / Адказаць
04.12.2017 / 14:09
Не простят они нам 1945-ый, ох не простят...
Паказаць усе каментары/ 22 /
Каб пакінуць каментар, калі ласка, актывуйце JavaScript у наладах свайго браўзеру