3—4 лютага Еўрапейскі гуманітарны ўніверсітэт (ЕГУ) запрашае старшакласнікаў беларускіх школ, гімназій і ліцэяў на зімовыя Дні адкрытых дзвярэй у Вільні. Для бацькоў абітурыентаў ЕГУ зладзіць адмысловы Бацькоўскі вечар у новым навучальным корпусе ЕГУ ў Старым горадзе Вільні.
Традыцыйна ў межах Дзён адкрытых дзвярэй абітурыенты ЕГУ атрымаюць магчымасць азнаёміцца з адукацыйнымі праграмамі і выкладчыкамі ЕГУ, задаць пытанні пра працэс паступлення, стыпендыі і праграмы абмену, а таксама здаць уступныя іспыты, вынікі якіх магчыма выкарыстоўваць для паступлення ў 2018 годзе. У гэтым навучальным годзе Дні адкрытых дзвярэй пройдуць у святочнай атмасферы. Мерапрыемства адбудзецца ў новым навучальным корпусе ЕГУ — былым будынку Аўгустынскага кляштара ў Старым горадзе Вільні, які ў сваю чаргу ўключаны ў спіс аб’ектаў Сусветнай спадчыны ЮНЕСКА.
Важна! ЕГУ прадастаўляе бесплатную візу для наведвання Дзён адкрытых дзвярэй для навучэнцаў беларускіх школ, гімназій, ліцэяў і каледжаў (пры наяўнасці даведкі), а таксама слухачам курсаў Прапілеі пры рэгістрацыі да 10 снежня (уключна). Рэгістрацыя на ўдзел у Днях адкрытых дзвярэй адбываецца па спасылцы.
Праграма Дзён адкрытых дзвярэй
3 лютага (субота) пройдзе выстава адукацыйных праграм ЕГУ, профільныя сустрэчы абітурыентаў з прадстаўнікамі адукацыйных праграм і адміністрацыяй ўніверсітэта, а таксама іспыт па замежнай мове.
4 лютага (нядзеля) удзельнікі Дзён адкрытых дзвярэй здаюць уступныя іспыты па эсэ і кампазіцыі. Адзнакі па іспытах абітурыенты могуць выкарыстоўваць падчас паступлення ў ЕГУ у 2018 годзе.
Бацькоўскі вечар
3 лютага ў новым навучальным корпусе ЕГУ таксама адбудзецца Бацькоўскі вечар. Бацькі абітурыентаў ЕГУ сустрэнуцца з адміністрацыяй, зададуць свае пытанні пра навучанне ў ЕГУ і жыццё ў Вільні, а таксама пазнаёмяцца са студэнцкім жыццём і бацькамі цяперашніх студэнтаў. Увечары гасцей універсітэта чакае адмысловая забаўляльная праграма, якую падрыхтуюць супрацоўнікі і студэнты ўніверсітэта.
Важна! Заяўкі на ўдзел у мерапрыемстве прымаюцца да 10 снежня (пры жаданні атрымаць бесплатную візу) ці да 26 студзеня (калі віза непатрэбна). Заяўку можна запоўніць па спасылцы. Выдаткі на пражыванне ў Вільні і транспарт удзельнікі мерапрыемстваў пакрываюць самастойна. Па ўсіх пытаннях звяртайцеся па эл. пошце: recruitment@ehu.lt, тэлефоне: +370 5 263 9650 ці ў Skype: QuestionEHU.
Мерапрыемствы адбудуцца ў новым навучальным корпусе ЕГУ па адрасе: Вільня, вул. Савічаўс, 17.
ГА «Еўрапейскі гуманітарны ўніверсітэт»
Код установы: 300548028
