07.12.2017 / 12:57

Лукашэнка: Медцэнтр у Ждановічах не толькі для чыноўнікаў, там могуць лячыцца і простыя людзі. За грошы 63

У клінічным медыцынскім цэнтры, які дабудоўваецца ў вёсцы Ждановічы Мінскага раёна, павінны абслугоўвацца як дзяржслужачыя, так і звычайныя грамадзяне. Гэтага Аляксандр Лукашэнка запатрабаваў сёння на нарадзе па пытаннях медыцынскага абслугоўвання ў гэтай установе аховы здароўя.

Кіраўнік дзяржавы адзначыў, што ў грамадстве горача абмяркоўваецца будаўніцтва пад Мінскам клінічнага медыцынскага цэнтра. «Я падкрэсліваю: па абслугоўванні нашага насельніцтва, не толькі, як пішуць або разважаюць, чыноўнікаў ці дзяржаўных служачых, хоць не без гэтага», — звярнуў увагу Аляксандр Лукашэнка.

Ён распавёў, як прымалася рашэнне аб будаўніцтве гэтай установы аховы здароўя. «Як мне паведамілі яшчэ ранейшыя кіраўнікі Мінскага гарвыканкама, планавалася ў Мінску будаўніцтва велізарнай бальніцы з-за недахопу плошчаў. Кошт гэтай бальніцы вагаўся ад 300 да 500 млн еўра ў залежнасці ад абсталявання. Вядома, такіх грошай у дзяржаве сёння няма. Танней яна абысціся і не магла, таму што хлеў будаваць сёння не толькі ў Мінску, але і ў іншым горадзе непрымальна. Скупы плаціць двойчы», — канстатаваў ён.

Ён заўважыў, што абслугоўвацца ў новым клінічным медцэнтры грамадзяне змогуць таксама на платнай аснове.

«Калі цябе не задавальняе абслугоўванне ў нейкай мінскай бальніцы, ты можаш прыйсці, заплаціць грошы (бо не па месцы будзеш абслугоўвацца) і абслужыцца тут. Што ў нас мала багатых людзей, якія сёння гатовы заплаціць грошы і правесці нейкія даследаванні, каб вызначыць дакладны дыягназ?» — задаў рытарычнае пытанне кіраўнік дзяржавы.

Аляксандр Лукашэнка яшчэ раз падкрэсліў, што ніякіх схаваных крокаў пры будаўніцтве ўстановы аховы здароўя не было. «Гэта было маё рашэнне, і я пра яго не шкадую. Мы зэканомілі велізарныя грошы. Тыя, хто кажуць, што гэта мая бальніца — дзякуй богу, каб я і далей так лячыўся, як лячуся да гэтага часу.

Я па бальніцах не хадзіў і не хажу», — заявіў ён.

Што тычыцца абслугоўвання ў медцэнтры дзяржаўных служачых, кіраўнік краіны нагадаў, што сёння асобныя паліклінікі ёсць і ў сілавых структур. Гэтыя ўстановы захаваліся яшчэ з савецкіх часоў.

«Гэта добрыя цэнтры, дзейнічаюць сапраўды па такім жа прынцыпе: туды можна прыйсці і лячыцца, калі ў цябе ёсць нейкія сумненні ў бальніцы, да якой ты прымацаваны. Яшчэ раз падкрэсліваю: гэта практыка ўсіх дзяржаў свету, — сказаў кіраўнік дзяржавы. — і нават не ў гэтым справа.

Скажу проста: я гатовы з усіх вас пыл здзімаць, а не толькі лячыць, абы вы толькі эфектыўна працавалі для дзяржавы. Яшчэ такую бальніцу пабудуем — толькі працуйце сумленна, адкрыта і прынцыпова, каб дзяржава квітнела».

Паводле слоў Аляксандра Лукашэнкі, такія медыцынскія цэнтры, якія будуць перадаваць самыя сучасныя тэхналогіі ў іншыя бальніцы і клінікі, плануецца адкрыць у кожнай вобласці. «Будзем запрашаць туды, калі сваіх не хапае, дактароў, самых перспектыўных і самых таленавітых, якія б навучылі нашых лячыць тое, што мы не ўмеем. Ды і да нас будуць прыязджаць вучыцца, ужо гэта робяць», — дадаў кіраўнік дзяржавы.

Ён пацікавіўся, якая гатоўнасць медыцынскага цэнтра ў Ждановічах, як у ім будуць аказвацца паслугі для насельніцтва, у тым ліку для асоб, якія маюць заслугі перад дзяржавай. «Мы дамаўляліся, што ў гэтым годзе мы павінны скончыць аб'ект і здаць яго. Я хацеў бы прыехаць і паглядзець на гэтую бальніцу, як яна будзе выглядаць», — адзначыў Аляксандр Лукашэнка.

***

На тэлеграм-канал «Нашай Нівы» можна падпісацца тут.

0
Русафоб непамяркоуны, Змагар, Свядомы , Пан, Беларус-ту / Адказаць
07.12.2017 / 13:04
Якi добры дзядулька . Ен за нашы грошы сабе пабудавау лякарню i дазваляе нам там лячыцца за грошы.
0
Александр / Адказаць
07.12.2017 / 13:14
Наглец, да и только. Платить налоги на содержание "аппарата", а потом еще и платить за мед обслуживание в построенной на налоге клинике. А сам платить будет? Хотя какая разница, он ведь все равно денег не зарабатывает, просто бюджетные из кармана в карман ....
1
фотка / Адказаць
07.12.2017 / 13:18
Мамаколі з папамколі думают пра народ!
Паказаць усе каментары/ 63 /
Каб пакінуць каментар, калі ласка, актывуйце JavaScript у наладах свайго браўзеру