08.12.2017 / 23:28

Лівянт: Слуцкія чыноўнікі ад адукацыі адзначыліся чарговым абсурдам 42

Вядомы мінскі педагог Яўген Лівянт апублікаваў у сваім фэйсбук-акаўнце чарговыя дакументальные пацвяржэнні абсурднасці загадаў чыноўнікаў ад адукацыі шараговым настаўнікам.

Гэтым разам Слуцкі сацыяльна-педагагічны цэнтр, палохаючы пракуратураю, прымушае педагогаў да сённяшняй даты перадаць поўную інфармацыю пра тое, дзе будуць знаходзіцца ўсе вучні сярэдніх школ Случчыны цягам зімовых канікул, што пачнуцца толькі праз тры тыдні. Асабліва варта адзначыць патрабаванне «прытрымлівацца адзінага шрыфту».

Да безназоўнага дакумента з вялікаю колькасцю клічнікаў прыкладзеная яшчэ форма, паводле якой трэба адсправаздачыцца ўсім школам.

Яўген Лівянт наконт гэтага гатунку фікцыйнай дакументацыі выказаўся наступным чынам:

«Усім разважным людзям зразумела, што і настаўнікі, і вучні, і іх бацькі пішуць усякую лухту ў гэтых паперках. Таму ці то ва ўсёй Мінскай вобласці, ці то ў асобна ўзятым Слуцкім раёне вырашылі напалохаць настаўнікаў … пракуратурай, маўляў, там усе звесткі пільна правяраюцца, і калі што няправільна напісана, то нікому мала не падасца. Вось цікава, а пракуратура пра гэта ведае? Гэта пракуроры папрасілі «прытрымлівацца толькі прыкладзенай формы і выкарыстоўваць адзіны шрыфт» пры запаўненні гэтага недарэчнага дакумента?»

І дадаў напрыканцы, што праваахоўнікам дакладна павінна быць зразумела, што публікаванне звестак пра тое, што сям'я падчас канікул з'едзе і пакіне кватэру пустой на доўгі час — дакладна не павысіць узроўню бяспекі.

Нядаўна Яўген Лівянт ужо выйграў адзін раўнд змагання за правы настаўнікаў. Дзякуючы розгаласу ў СМІ, Мінаховы здароўя адклікала недарэчны ліст, які ўскладаў на класных кіраўнікоў абавязак па зборы аналізаў кала ад вучняў.

Чытайце яшчэ:

Загад школам пра збор аналізаў калу адклікалі

Яўген Лівянт, facebook.com

0
Ганьба прагніўшаму палітбюро! / Адказаць
08.12.2017 / 23:32
сістэма згніла.
0
Цынік / Адказаць
08.12.2017 / 23:33
Вось жа дурні...
0
Neo / Адказаць
08.12.2017 / 23:46
О. Это что-то новенькое. Прям ВСЕХ. а по такой форме тадлицы на одну школу надо листов... даже не знаю сколько листов
Паказаць усе каментары/ 42 /
Каб пакінуць каментар, калі ласка, актывуйце JavaScript у наладах свайго браўзеру