.png)
Беларуска Дар’я Домрачава заняла трэцяе месца ў гонцы пераследу на этапе Кубка свету па біятлоне ў аўстрыйскім Гохфільцэне.
фота biathlonworld.com
На дыстанцыі 10 км з чатырма агнявымі рубяжамі беларуска, якая стартавала першай, дапусціла адзін промах.
Для Домрачавай гэта ўжо 73 подыум у кар’еры (29-21-23).
Перамагла ў гонцы Анастасія Кузьміна, якая выступае за Славакію. На другім месцы фінка Кайса Мякярайнен.
Ірына Крыўко прыбегла дзявятай, а Надзея Скардзіна — 19-й.
