Вайскоўцы пабудавалі пантонны мост праз раку Прыпяць у раёне Жыткавічаў. У 9:00 вайскоўцы 188-й гвардзейскай інжынернай брыгады і супрацоўнікі МНС пачалі ўзводзіць пераправу. Пасля 12-й гадзіны мост адкрыўся для руху, піша Tut.by.
А вот и видео первого проезда по наведенной переправе. pic.twitter.com/vQu3VhIl8g
— 112.by МЧС Беларуси (@112by) 10 декабря 2017 г.
Даўжыня пантоннага моста — 146,7 метраў. Ён зможа вытрымаць усе віды транспарту — ад легкавых да грузавых машын. «І нават танкі», — адзначылі ў Міністэрстве абароны Беларусі.
А пасля 12.00 праз Прыпяць пусцілі і грамадзянскі транспарт.
Апошнія дні перавозкай людзей праз Прыпяць займалася МНС. Легкавы транспарт і грузавыя аўтамабілі вагой да 10 т пераплаўляліся з дапамогай парома, які працуе ўнізе па цячэнні ракі і за 5 км ад Жыткавічаў.
Пра тое што на аўтамабільным мосце праз Прыпяць у Жыткавічах з'явіліся расколіны і ён прасеў, стала вядома 7 снежня. Першапачаткова мост зачынілі для аўтатранспарту, а затым і для пешаходаў.
Паводле ацэнак спецыялістаў, яго закрылі прыкладна на год.
Як распавёў віцэ-прэм'ер Беларусі Анатоль Калінін, прычынай разбурэння моста над Прыпяццю маглі стаць яго канструкцыйныя недахопы.
Мост праз Прыпяць даўжынёй 888 метраў, які злучае Жыткавічы і Тураў, быў пабудаваны ў 1985 годзе. Два гады таму правялі яго капітальны рамонт.
Цяпер чытаюць
Даведаліся, як справы ў Рыгора Кастусёва — ёсць добрыя навіны1
Каментары