11.12.2017 / 15:39

ЕС адкінуў ідэю пераносу пасольстваў у Іерусалім 3

AP

Еўрасаюз не мае намеру пакуль ісці за Вашынгтонам і прызнаваць Іерусалім сталіцай Ізраіля, перавёўшы туды дыпмісіі. Наадварот, Брусэль па-ранейшаму прыхільнік ідэі стварэння ў рэгіёне дзвюх дзяржаў — яўрэйскай і арабскай. Пра гэта ў панядзелак заявіла кіраўнік Еўрапейскай службы замежных сувязяў (EEAS) Федэрыка Магерыні, перадае Reuters.

«Мы лічым, што адзінае рэальнае рашэнне канфлікту паміж Ізраілем і Палесцінай заснавана на стварэнні дзвюх дзяржаў з Іерусалімам як сталіцай абедзвюх», — заявіла яна.

Па словах Магерыні, ЕС прызнае толькі «міжнародны кансэнсус» па статусе Іерусаліма, але гатовы прыкладаць яшчэ бóльшыя намаганні для прасоўвання мірнага працэсу. У сувязі з гэтым яна анансавала сваю сустрэчу з лідарам Палесцінскай аўтаноміі Махмудам Абасам у студзені 2018 года. Магчымы візіт Абаса ў Брусэль ізраільскае выданне Haaretz назвала «нечаканым крокам».

Заява Магерыні прагучала на сустрэчы з прэм'ер-міністрам Ізраіля Біньямінам Нетаньяху. За некалькі хвілін да гэтага ён заклікаў еўрапейскія краіны паследаваць прыкладу ЗША: «Я ўпэўнены, што ўсе ці хаця б большасць еўрапейскіх краін перанясуць свае амбасады ў Іерусалім і прызнаюць яго сталіцай Ізраіля». Гэта, па словах прэм'ера, стане толькі «канстатацыяй рэальнасці і тым самым падмуркам міру».

1
Европе не плевать на ООН / Адказаць
11.12.2017 / 16:56
Согласно резолюции 51/27 Генеральной Ассамблеи ООН от 4 декабря 1996 года, «решение Израиля навязать Священному городу Иерусалиму свои законы, юрисдикцию и администрацию является незаконным и, следовательно, недействительным и не имеет никакой юридической силы». Десятая специальная чрезвычайная сессия Генеральной Ассамблеи ООН, проходившая в 2004 году, подтвердила, что «все меры, принятые Израилем, оккупирующей державой, которые изменили или имели своей целью изменить характер, правовой статус и демографический состав Иерусалима, по-прежнему не имеют никакой юридической силы».
1
Да родных ніў, да роднай хаты / Адказаць
11.12.2017 / 18:10
Цалкам падзяляю пазіцыю ЕС. Ізраіль дзейнічае гэтак жа як Расея ў пытанні Крыму й Данбасу.
2
рубам / Адказаць
11.12.2017 / 18:11
Клоун залез под купол цирка без страховки, чтобы его все видели, - и сорвался. И все это увидели. Некоторые будут верещать. Иные аплодировать "безумству храбрых". Кто-то будет проклинать судьбу. А итог в общем-то понятен: не всё клоуну одни печеньки.  
Каб пакінуць каментар, калі ласка, актывуйце JavaScript у наладах свайго браўзеру