11.12.2017 / 20:33

Саудаўская Аравія дазволіць кінатэатры пасля 35-гадовай забароны 4

Саудаўская Аравія ўпершыню пасля 35-гадовай забароны адкрые кінатэатры. Такое рашэнне ў панядзелак было прынята наследным прынцам Махамедам бін Сальманам ў рамках рэформаў, паведамляе Associated Press. Першыя кінатэатры павінны адкрыцца ў сакавіку 2018 года.

Кінатэатры ў краіне былі забароненыя на хвалі мусульманскага ультракансерватызму ў 80-х гадах мінулага стагоддзя. Прагляд заходніх фільмаў і нават стужак егіпецкай вытворчасці быў абвешчаны тады грахоўным. Многія саўдзіты ездзілі ў кіно ў суседнія краіны, напрыклад, у ААЭ.

У Саудаўскай Аравіі ўжо некалькі месяцаў ідуць палітычныя рэформы. Так, у кастрычніку жанчынам было дазволена вадзіць аўтамабіль і наведваць грамадскія месцы.

У краіне зараз ужо можна ладзіць канцэрты і іншыя забаўляльныя мерапрыемствы. Лічыцца, што гэтыя рэформы павінны спрыяць руху сродкаў унутры краіны і стварыць новыя працоўныя месцы ва ўмовах зніжэння коштаў на нафту і пераарыентацыі сусветнай эканомікі на альтэрнатыўныя энерганосьбіты.

nn.by

0
Вава Коленкина / Адказаць
11.12.2017 / 20:52
Что-то до боли знакомое...Из цикла:"Пропало молоко, - хватайся за яйца! " Моххамедик,главное модернизацией пальмообрабатывающей промышленности не занимайся, замодернезируешься нафиг.)))
0
Блрс / Адказаць
11.12.2017 / 20:55
Правільна, бо было нейкае абы-што: КСА — вялікі сябар ЗША, але круціць у кіно амерыканскія фільмы не было магчымасці.
2
Мордехай В. / Адказаць
11.12.2017 / 21:38
В 60-е и КСА, и Иран, и Пакистан были куда либеральнее чем зараз. Социально-экономическая загадка.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру