Не, ну не гаварыце мне, што не трэба глядзець расейскія ток-шоу.
Па-мойму, яны нясуць вялікі выхаваўчы эффект. Уключыш выпадкова раз на месяц, і адразу надоўга пранікаешся думкай, наколькі мы ўсё ж людзі зь іншых цывілізацыяў, з іншых планет, я б нават сказаў. Бо ў іх там проста нейкая альтэрнатыўная рэальнасьць)
Учора ў Салаўёва, абмеркаваньне Сірыі. Галоўная тэза — перамаглі там усіх расейцы, а падступны Захад чамусьці лічыць, што перамагла «кааліцыі з 60 дзяржаваў». Крадуць, сволачы, нашу рускую перамогу, як крадуць і перамогу ў Другой сусьветнай вайне, дзе яны ўвогуле нічога не рабілі, а ваявалі толькі мы.
А чаму крадуць? Бо баяцца Расеі. Вось прачынаецца Трамп з раніцы, і глядзіць свой распарадак дня. Што там па графіку? Пункт першы — баяцца Расею. І ёсьць чаго баяцца, бо толькі рускія ракеты траплялі дакладна ў вокны тэрарыстам, рускія лазутчыкі пранікалі ў падземныя доты (не іначай, як скрозь сьцены праходзілі, гэта ваенная таямніца)
А яшчэ гэтыя с***і, лібералы, унутры краіны, кажуць, што грошы трэба на пэнсіі і заробкі даваць. Гэта правакацыя, яны хочуць здаць нашу перамогу і разваліць краіну. Грошы трэба даваць толькі на новыя бомбы і ракеты.
І ўвогуле трэба паказваць сваю сілу, працягвае другі. Нанесьці ўдар па Кіеву, разбамбіць плантацыі ў Аўганістане, забраць нарэшце Басфорскі праліў, размясьціць нашы ваенныя базы на Сейшелах, у Ванкуверы і каля Сан-Дыега. Сан-Дыега! Гэта горад у ЗША на мяжы з Мексікай.
І вось скажыце мне, яны — адэкватныя? У іх ВУП падае, дэградацыя навукі, адукацыі і аховы здароўя, выміраньне цэлых рэгіёнаў — а яны пра базы ў Канадзе мараць.
І як вяршыня, пытаньне Салаўёва журналісту, які працаваў у Сірыі — «Так что — мы, русские, лучше всех?»
Той неяк сумеўся, адказаў невыразна, асьцярожна. А трэба было сказаць усю праўду — «да, у нас, русских, три сердца и четыре яйца. Мы вообще особый вид людей»
Апошняя фраза была б падобна на праўду.
