13.12.2017 / 13:44

Лукашэнка: У нас некаторыя рэктары забранзавелі і параслі цінай, трэба перакройваць праграму ў ВНУ 40

president.gov.by

Аляксандр Лукашэнка запатрабаваў «перабудаваць, перарабіць, перакроіць» праграмы ВНУ. На пленарным пасяджэнні II З'езда вучоных Беларусі ён распавёў, як нядаўна сустракаўся з айцішнікамі, піша Tut.by.

— З асаблівым болем яны адзначалі, што не хапае рабочых рук. А працоўныя рукі, вы ведаеце, якія — мазгавітыя, інтэлектуальныя, якія ўмеюць размаўляць з многімі сучаснымі сродкамі вытворчасці.

Па словах кіраўніка краіны, айцішнікі папрасілі яго дазволу «траціць свае грошы на падтрымку ВНУ і выкладчыкаў», каб яны шукалі патрэбных для іх студэнтаў.

— Я кажу: «Ды Гасподзь з вамі!» Перахрысціў іх: з заўтрашняга дня пачынайце. Якія праблемы? — распавёў кіраўнік краіны і ўдакладніў.

— Што я ўбачыў за гэтым? Вось яны вельмі запатрабаваныя, у асноўным, вытворчасці, кампаніі — вельмі прыбытковыя, прыбытковыя. Адзін з іх сказаў, што ён за год асабіста заплаціў толькі падаходнага падатку 1 мільён 200 тысяч даляраў, не буду называць яго прозвішча (імаверна, гаворка ідзе пра бізнэсмена Віктара Пракапеню) І ім не хапае рабочых рук, яны гатовыя сёння інвеставаць у нашу адукацыю.

Аднак, мяркуе Лукашэнка, універсітэцкія выкладчыкі могуць расчараваць спонсараў.

— У нас кіраўніцтва ВНУ, рэктары забранзавелі і параслі некаторыя цінай. Я ўжо не кажу пра выкладчыкаў. Яны рыхтуюць людзей, якія ўжо сёння не могуць працаваць, не кажучы пра заўтрашні дзень. У нас многія ВНУ і выкладчыкі са сваімі жоўтымі канспектамі плятуцца ў хвасце падзей.

На думку прэзідэнта, навука і выкладанне ў ВНУ катастрафічна адсталі ад развіцця вытворчасці і яе мадэрнізацыі.

— У школах заканчваем гэты працэс — трэба пачынаць і ў ВНУ. Трэба перабудоўваць, перарабляць, перакройваць праграму, трэба арыентаваць адукацыю на заўтрашні дзень, трэба рыхтаваць выкладчыкаў, а ўжо потым ставіць пытанні аб аплаце.

1
Кар / Адказаць
13.12.2017 / 13:49
Скажите, а что в итоге с гимназиями? Платить за репетиторов, чтобы экзамены в 5 класс летом сдавать? Точно отменят экзамены или неизвестно? Знающие люди, дайте ответ. Без приколов.
0
Ахрэм / Адказаць
13.12.2017 / 13:50
Тут у нас некаторыя забранзавелі, затлушчэлі і пакрыліся цінай, рэзыдэнцыямі і майбахамі. Трэба нешта перакройваць.
0
Палясоўшчык / Адказаць
13.12.2017 / 13:54
Вскоре чуду у нас - случиться ,
Если дъявол  - стал креститься !
Паказаць усе каментары/ 40 /
Каб пакінуць каментар, калі ласка, актывуйце JavaScript у наладах свайго браўзеру