13.12.2017 / 15:07

velcom будзе раздаваць вязаныя шалікі і шапкі 3

Тэлекам-аператар velcom будзе больш за месяц дарыць цёплыя шапкі і шалікі. Раздача цёплых рэчаў новым карыстальнікам «камфортных» тарыфаў стане працягам ініцыятывы, калі ў вязаныя прадметы гардэроба былі захутаныя гарадскія скульптуры ў Мінску і абласных цэнтрах.

«Камфортная» ініцыятыва velcom пачалася з «вязальнага» перформансу ў сталіцы. Так, Ганна Бонд у вобразе бабулькі майстравала пруткамі ў вітрыне сталічнага ўнівермага, імперскі штурмавік з «Зорных войнаў» шпацыраваў з жоўтым шалікам і кошыкам у мінскім метро, а касманаўт у скафандры спрабаваў вязаць на аўтобусным прыпынку каля Белдзяржфілармоніі. У гэты час на балконе гатэля «Еўропа» жанчына ў хустцы вязала шасціметровы шалік, які лунаў на ветры. Здзівіла мінчан і 70-гадовая бабуля, якая вырабіла галаўны ўбор на надзіманым матрацы ў басейне аквапарка «Лебядзіны».

На наступны дзень цёплыя рэчы прымералі каля 30 вядомых скульптур у Мінску і абласных цэнтрах. У сталіцы, на Камароўскім рынку, у жоўтае апранулася «Гандлярка семкамі», «Дама з сабачкам» і «Фатограф», а больш за ўсё мінчукам спадабалася шапка для бронзавага «вераб'я». У Міхайлаўскім скверы гардэроб змяніла «Мінчанка», «Курыльшчык» і «Дзяўчынка з парасонам». Галаўныя ўборы таксама з'явіліся ў «запрэжаных коней» побач з Ратушай, «Паштальёна» каля кінатэатра «Кастрычнік», «балерын» ля Опернага тэатра і «экзатычных звяроў» на Заходнім рынку.

Камфортныя шалікі і шапкі вязалі таксама супрацоўнікі velcom. Для гэтага ў офісе разгарнулі «куткі вязання», у якіх усе ахвотныя, уключаючы топ-менеджмент, маглі майстраваць цёплыя падарункі.

«Мы вырашылі выйсці за рамкі мабільных тэхналогій і прыўнесці новыя фарбы ў жыццё краіны. Спачатку мы забяспечылі камфорт бронзавым персанажам, якія робяць гарады ярчэйшымі і прыязнейшымі, зараз жа — падзелімся стылёвымі шапкамі і шалікамі з новымі абанентамі. Так што тарыфы «Камфорт» і «Камфорт +» забяспечаць беларусаў не толькі багаццем інтэрнэту і безлімітнымі званкамі, але і яркімі і зручнымі цёплымі рэчамі да зімы», — адзначылі ў velcom.

У новых абанентаў будзе выбар: узяць цёплую шапку або шалік, а да яго — 10 ГБ інтэрнэту на 120 дзён альбо толькі 20 ГБ інтэрнэт-трафіку. У абодвух выпадках для новых абанентаў тарыфаў «Камфорт» і «Камфорт +» першыя 90 дзён дадаткова будзе дзейнічаць зніжаная абанплата. А новыя абаненты тарыфаў «Камфорт» таксама атрымаюць на 60 дзён бонусны 3G-безліміт ва ўсе сеткі.

Падлучыцца на любы з тарыфаў лінейкі «Камфорт» і «Камфорт +» і атрымаць свой вязаны падарунак з інтэрнэтам можна да 15 студзеня 2018 гадоў у цэнтрах продажу velcom або ад кур'ера фірмовай інтэрнэт-крамы, а гігабайты — яшчэ і ў пунктах продажу павераных.

Акрамя таго, кожнае падключэнне на любы з тарыфных планаў лінеек «Камфорт» і «Камфорт +» у перыяд з 1 па 31 снежня ператворыцца ў 5 рублёў, якія velcom з сваю чаргу перавядзе на рэалізацыю дабрачыннага праекта «Я бачу». У 2018 годзе мабільныя брыгады лекараў-афтальмолагаў будуць працаваць у школах сельскіх раёнаў Брэсцкай вобласці і агледзяць 14000 дзяцей.

Нагадаем, тарыфы «Камфорт» былі запушчаны для ўладальнікаў смартфонаў і па змоўчанні ўключаюць да 16 ГБ інтэрнэт-трафіку, безлімітныя 3G-званкі ўнутры сеткі, а дадатковыя мегабайты каштуюць капейкі. Услед за асноўнай лінейкай з'явіліся тарыфы «Камфорт+» з галасавым безлімітам у іншыя сеткі.

УП «Вэлком»
УНП 101528843

2
госць / Адказаць
13.12.2017 / 17:27
а помнiку гарадавога шалiк на шыi завязалi?
0
Пытаннечка / Адказаць
14.12.2017 / 14:48
А чё й та мы не пушчаем не "свае ў дошку" каментары?
0
Inger / Адказаць
14.12.2017 / 15:09
госць, kanopny hal'sztuk jamu!



Каб пакінуць каментар, калі ласка, актывуйце JavaScript у наладах свайго браўзеру