13.12.2017 / 15:11

У Краснаярску згубілі прах Дзмітрыя Хварастоўскага 12

Краснаярскія чыноўнікі не адказваюць на пытанні журналістаў пра месцазнаходжанне капсулы з прахам опернага спевака Дзмітрыя Хварастоўскага. Пра гэта паведамляе партал Ngs.24.

Артыст памёр у Лондане 22 лістапада. Паводле завяшчання, яго прах падзялілі на дзве часткі, адну частку пахавалі ў Маскве 28 лістапада, другую даставілі ў яго родны Краснаярск на наступны дзень.

Як піша партал, дэлегацыю уладаў краю па прыбыцці з Масквы не сустракалі. Журналісты звярталіся з пытаннямі пра лёс астанкаў спевака ва ўрад краю. Адзіны каментар дала міністр культуры Алена Міроненка: па яе словах, капсулу даставілі ў Краснаярск.

У краснаярскім ўрадзе паведамілі, што капсула з прахам «змешчана на адказнае захоўванне ў спецыялізаванае для гэтага месца». «Мы паспрабавалі высветліць, аб чым ідзе гаворка, калі будзе цырымонія развітання. Але Алена Міроненка адказваць адмовілася, заявіўшы, што «журналісты перакручваюць яе словы», — піша Ngs.24.

Прэс-служба міністэрства пакуль не пракаментавала сітуацыю.

13
незадаволены / Адказаць
13.12.2017 / 16:16
Калі сусветна вядомы спявак Дзмітрый Хварастоўскі быў жывы і здаровы, даваў канцэрты ў родным Краснаярску, чыноўнікі мінкульта і ўраду прагіналіся перад ім па поўнай, таму што відаць грошыкі капалі ў іх кішэні...А навошта ім цяпер гэтыя "рэшткі" праха зоркі, што на іх заробіш - адны расходы на развітанне, на пахаванне...Цынічныя пачвары...
Шкада гэтага таленавітага спевака, такая знявага праху, і нашто было яго дзяліць на 2 часткі, каб чыноўнікі потым засунулі яго па-ціхаму ў "спецыялізаванае для гэтага месца..." 
Бацькі жывуць у маскве, як ім наведваць частку праха свайго адзінага сына? Дзікунства нейкае, не разумею я гэтага...


12
ЯНКА / Адказаць
13.12.2017 / 17:37
★ Дык тэй плях быццам аддалі ў НДІ, дзе мусяць клянаваць пяюна (?). ★
1
Жуць / Адказаць
13.12.2017 / 21:54
Дзiуныя рэчы творацца у гэтым Краснаярску , то маленькiя хлапчукi знiкнуць , а затым знойдуцца спаленымi ,акурат перад Вялiкднём , i усё затрэцца , то цяпер прах спявака , знiк, цi блукае ...
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру