13.12.2017 / 15:35

У Беларусі хочуць завесці першую крымінальную справу за крадзеж біткойна 3

З пачатку года курс самай папулярнай крыптавалюты вырас амаль у 18 разоў — з 900 даляраў да 16 тысяч. Зарабіць на гэтым спрабуюць не толькі інвестары, але і ашуканцы. Іх ахвярай стаў дырэктар мінскай фірмы, піша sb.by

Да супрацоўнікаў Ленінскага РАУС Брэста ён звярнуўся ў сярэдзіне жніўня. Распавёў, што ў 2011 годзе набыў крыптавалюту. Тады біткойн каштаваў каля 100 даляраў. Мінулым летам мінчук праз Telegram пазнаёміўся з патэнцыйным пакупніком, які прапанаваў за 0,83 біткойна тры тысячы даляраў. Здзейсніць здзелку дамовіліся ў Брэсце. Першы намеснік начальніка РАУС Ленінскага раёна Дзмітрый Каравякоўскі распавядае, як далей развіваліся падзеі:

— Удзельнікі здзелкі сустрэліся ў кафэ ў цэнтры горада. Праз адну з інтэрнэт-біржаў мінчук перавёў пакупніку 0,83 біткойна. Чакаць завяршэння транзакцыі трэба было пару гадзін. Аднак патэнцыйны пакупнік за гэты час паспеў схавацца ў невядомым кірунку. Абумоўленую суму ён так і не пераклаў.

Міліцыя спрабуе ўстанавіць асобу зламысніка. Дзмітрый Каравякоўскі прызнае - выпадак неардынарны. Ёсць складанасці з прававой ацэнкай гэтага злачынства. Перш крымінальныя справы па факце крадзяжу крыптавалюты ў Беларусі не заводзіліся.

0
suomi / Адказаць
13.12.2017 / 20:49
IT сверхдержава!
0
Кот Мартын / Адказаць
13.12.2017 / 22:23
с почином !
0
qwerty / Адказаць
14.12.2017 / 14:18
Если не докажут, что в момент сделки криптовалюта в Беларуси была объектом гражданского права (согласно ст. 128 ГК РБ), то никакого уголовного дела не будет (т.к. не докажут наличие состава преступления в деянии). Если взглянуть на позиции госорганов, даже рекомендательные, то очевидно, что даже сейчас они не спешат признавать крипту объектом гр. пр. Возможная легализация биткоина задним числом (Декретом о ПВТ 2.0) не может привести к ретроактивному действию УК РБ. У потерпевшего, ИМХО, "останется" только вариант иска о возврате неосновательного обогащения по ст. 971 ГК РБ, а это гражданский процесс со всеми вытекающими осложнениями с доказыванием и тд.
Каб пакінуць каментар, калі ласка, актывуйце JavaScript у наладах свайго браўзеру