14.12.2017 / 09:28

Суд прызнаў утрыманне фігуранта справы патрыётаў пад вартай правамоцным і адмовіў яму ў кампенсацыі 10

Суд прызнаў утрыманне фігуранта «справы патрыётаў» пад вартай правамоцным і адмовіў яму ў кампенсацыі, паведамляе Радыё Свабода.

На думку прадстаўніка Змітра Крамянецкага Марыі Колесавай-Гудзілінай, прызнаваць права Крамянецкага на кампенсацыю маральнай шкоды павінен менавіта КДБ, паколькі закрываў справу ў дачыненні да Крамянецкага гэты орган, а не Сьледчы камітэт (гэта адбылося яшчэ 2 чэрвеня). Раней Крамянецкі атрымаў ад Следчага камітэта паведамленне аб тым, што адказ аб магчымасці кампенсацыі ён павінен атрымаць у КДБ.

14 снежня суддзя Анціпчук абвясьціла рашэньне, згодна з якім утрыманне Змітра Крамянецкага пад вартай прызнанае правамоцным, а ягоная позва з патрабаваньнем кампенсацыі маральнай шкоды адхіленая. Агулам пад вартай Зьміцер Крамянецкі правёў 9 сутак. Ён збіраецца абскарджваць рашэнне суда.

Зміцер Крэмянецкі падаў позву аб кампенсацыі нанесенай яму маральнай шкоды яшчэ ў жніўні, пакуль гэта адзіны фігурант «справы Белага легіёна», які спрабуе атрымаць кампэнсацыю ад дзяржавы.

Актывіст «Маладога Фронту» Зміцер Крамянецкі быў затрыманы 23 сакавіка і правёў за кратамі ў СІЗА на вуліцы Валадарскага 9,5 сутак. Па «справе Белага легіёна» ён знаходзіўся ў статусе падазраванага, абвінавачванні Крамянецкаму прад’яўленыя не былі.

1
Уладзімір / Адказаць
14.12.2017 / 09:37
Яшчэ б не прызнаць!
Вы паглядіце хто "суддзі"? Іхняя адукацыя, іхнія мазгавыя здольнасці! (Не гаворым пра сумленнасць).
І вам усе стане ясна!
0
Беларус / Адказаць
14.12.2017 / 10:17
У Беларусi няма нiякага суда, а КДБ гэта фiлiял ФСБ Расеi – здраднiкi.
0
гарадзенец / Адказаць
14.12.2017 / 10:21
луккашысцки суд - самы гуманны у сьвеце! вины няма - а у турме сядзи ! суддзю - на мыла !
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру