14.12.2017 / 19:22

Следчы камітэт: На целе знойдзенай у Мінску дзяўчыны з Мядзела няма слядоў пашкоджанняў 22

Заўважных слядоў пашкоджанняў на целе знойдзенай учора мёртвай у лесапаласе ў Фрунзенскім раёне Мінска настаўніцы з Мядзела не назіраецца, — паведаміла сёння прадстаўніца Следчага камітэту Юлія Ганчарова, піша Белта.

Аляксандра Хутрэнка, фота з «Аднакласнікаў»

«Цела дзяўчыны знайшла яе знаёмая ў Фрунзенскім раёне сталіцы. Асоба пацверджаная, няма аніякіх сумневаў, што гэта менавіта зніклая без вестак жыхарка Мядзела. Апошні раз яе бачылі ў Мінску 16 лістапада. Зараз прааналізаваныя запісы з камер відэаназірання ў тых месцах, дзе яна была, прызначаная судова-медычная экспертыза. Прычына смерці пакуль не называецца. Эксперты атрымалі ўсе неабходныя ўзоры для аналізаў, чакаем ад іх інфармацыі», — сказала Юлія Ганчарова.

Следствам устаноўлена, што Аляксандра Хутрэнка, прыехаўшы ў Мінск 16 лістапада, накіравалася да сваёй сяброўкі. Гэтая сяброўка потым прыязджала ў Мядзел і распавяла супрацоўнікам міліцыі, што Аляксандра пакінула ў яе свае рэчы. Але дзяўчаты пасварыліся, і Аляксандра Хутрэнка сышла, не сказаўшы куды і не паведаміўшы пра свае планы.

Загінулая настаўніца родам з Жабінкі Брэсцкай вобласці. На Віцебшчыне яна скончыла педагагічны каледж і ў верасні прыехала ў Мядзел працаваць па размеркаванні. Выкладала англійскую мову ў мядзельскай СШ №1. Здымала пакой. У лістападзе яна перастала выходзіць на працу, 15-га звольнілася са школы, 16-га з'ехала ў Мінск у пошуках новай працы. Пасля гэтага яе месцазнаходжанне было невядомым. 30 снежня ёй павінна было споўніцца 20 год.

***

На тэлеграм-канал «Нашай Нівы» можна падпісацца тут.

15
краiна для народа / Адказаць
14.12.2017 / 19:41
Галодная смерць?
7
Грязный Гарри / Адказаць
14.12.2017 / 20:05
Можете бросать в меня камни и хулить нечистыми словами.только вот не верю я следственному комитету с самого дня его основания...И Шуневичу,ГБ-шнику,который стал министром МВД на фабрикации дела Коновалова-Ковалева тоже не верю.Вот эта неординарная,судя по фото, субтильная девочка,сносно владеющая английским,просто так все бросила в Мяделе , приехала в Минск чтобы спокойно лечь и помереть в лесополосе во Фрунзенском районе без видимых телесных повреждений по версии СК??? Что опять эти носители погон всех цветов и оттенков от нас скрывают? 
72
Патриот / Адказаць
14.12.2017 / 20:12
краiна для народа, и виноват в этом кто? дай угадаю - президент! У вас он во всем виноват! Достали уже!!!!
Паказаць усе каментары/ 22 /
Каб пакінуць каментар, калі ласка, актывуйце JavaScript у наладах свайго браўзеру