16.12.2017 / 13:21

Пад Пухавічамі аўтапагрузчык сутыкнуўся з «транспартам будучыні» ФОТЫ 20

Пагрузчык сутыкнуўся з вазком юнібуса ў Пухавіцкім раёне, паведаміла афіцыйны прадстаўнік упраўлення Дзяржаўнага камітэта судовых экспертыз па Мінскай вобласці Вераніка Баркоўская.

Тут і далей — фота Дзяржаўнага камітэта судовых экспертыз па Мінскай вобласці

ДТЗ адбылося напярэдадні. Кіроўца пагрузчыка рухаўся па гравійнай дарозе, дзе ў гэты час адбываліся выпрабаванні новага віду транспарту. У нейкі момант шляхі руху транспартных сродкаў перасекліся, адбылося сутыкненне. У пагрузчыка адарвала кабіну, а кіроўца, які знаходзіўся ў ёй, атрымаў траўмы і пераломы.

«Цяпер кіроўца пагрузчыка знаходзіцца ў рэанімацыі, за яго жыццё змагаюцца ўрачы. Спецыяліст упраўлення Дзяржкамітэта судэкспертыз па Мінскай вобласці правёў фіксацыю пашкоджанняў транспартных сродкаў і слядоў пагрузчыка на грунце, вышыні размяшчэння юнібуса над зямлёй, а таксама яго размяшчэнне адносна вышыні пагрузчыка, што ў далейшым дапаможа аднавіць карціну здарэння», — адзначыла Вераніка Баркоўская.

Стваральнікі юнібуса гавораць пра яго як пра «транспарт будучыні». Гэта замацаваныя на апорах звыштрывалыя рэйкі, па якіх у падвешаным стане над зямлёй перамяшчаюцца вазкі з пасажырамі.

4
Žvir / Адказаць
16.12.2017 / 13:40
Jakim čynam toj pahruzčyk apynuūsia ū rajonie praviadzieņnia vyprabavanniaū ? Čamu rajon nia byū pierakryty na čas vyprabavanniaū ? 
2
3001 / Адказаць
16.12.2017 / 14:37
такі транспарт будучыні ў Нямеччыне (Дрэздэн, Вупперталь) ужо 100 гадоў як ездзіць))
1
ром / Адказаць
16.12.2017 / 14:48
Символично!!
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру