Рэканструкцыю трамвайнай лініі ў бок вакзала плануецца пачаць 1 сакавіка, паведаміў 16 снежня ў ходзе прамой лініі генеральны дырэктар ДП «Мінсктранс» Лявонцій Папянок, перадаюць «Мінск-Навіны».
Мяркуецца, што работы будуць весціся ў два этапы: па вул. Ульянаўскай і Першамайскай ад перасячэння з вул. Бабруйскай да вул. Захарава і ад вул. Бабруйскай да разваротнага кальца каля пл. Мяснікова.
«Спадзяемся паспець завяршыць комплекс работ да 7 лістапада 2018 г.», — адзначыў кіраўнік «Мінсктранса».
Рэканструкцыю гэтага ўчастка (гэтак жа, як і папярэдніх) выканаюць па сучаснай бесшпальнай тэхналогіі.
0
0
0
0
0
0
