17.12.2017 / 09:52

У Канадзе пры дзіўных абставінах загінулі мільярдэр з жонкай 6

Канадская паліцыя палічыла абставіны смерці мільярдэра Бары Шэрмана і яго жонкі Хані «падазронымі», піша Бі-бі-сі.

Іх целы былі выяўленыя ў склепе іх уласнага дома ў Таронта.

Бары Шэрман заснаваў і ўзначальваў фармацэўтычную кампанію Apotex — найбуйнейшага ў краіне вытворцы лекаў-джэнэрыкаў.

«Абставіны смерці выглядаюць падазрона, і менавіта так мы падыходзім да расследавання гэтай справы», — заявіў канстэбль Дэвід Хопкінс.

Незадоўга да смерці Шэрманы выставілі на продаж свой асабняк. Рыэлтар прыехаў на месца, каб падрыхтаваць дом да паказу патэнцыйным пакупнікам, і выявіў целы мужа і жонкі, паведамляе канадская газета The Globe and Mail са спасылкай на сям'ю Шэрманаў.

У заяве паліцыі гаворыцца, што прыкмет узлому ў доме не выяўлена.

Шэрманы хацелі прадаць дом за больш чым 5 млн даляраў.

Як паведаміў дэтэктыў Брэндан Прайс канадскаму каналу CBC, цяпер следчыя спрабуюць высветліць, ці была смерць Бары і Хані Шэрманаў гвалтоўнай.

75-гадовы Бары Шэрман быў філантропам і адным з найбагацейшых людзей Канады. Forbes ацэньваў яго асабістую маёмасць у 3 млрд даляраў ЗША.

Бары Шэрман заснаваў Apotex ў 1974 годзе.

Раней сваякі вінавацілі прадпрымальніка ў тым, што ён адціснуў іх ад удзелу ў прыбытковым бізнэсе, і неаднаразова спрабавалі атрымаць кампенсацыю праз суд, адзначае Рэйтэр.

У Шэрманаў засталося чацвёра дзяцей.

9
Kalaurot / Адказаць
17.12.2017 / 10:54
склеп - гэта месца, дзе захоўваюць бульбу, сала і слоікі з аджыкай )

подвал
1) (помещение) падвал , -ла , сутарэнне , -ння
2) (для вина) склеп , склепа
3) (о газете) падвал , -ла
8
Безработный / Адказаць
17.12.2017 / 13:07
Теперь три миллиарда в казну!
1
эксперт / Адказаць
17.12.2017 / 14:26
Kalaurot,
склеп можа быць малым а можа быць прасторным і нават агромністым.
можа быць вінным парахавым або гаспадарчым.
а гаспадарка бывае нямалая.
склеп можа выглядаць як асобны будынак ці яма-пограб або як памяшканьне ці куточак-камора ў падвале.
падвал - гэта ніжняя частка дома.
там можа быць склеп ці некалькі склепаў-куткоў - цэльнае сутарэньне.
а сутарэньне - гэта падзямельныя памяшканьні - падвалы ды хады паміж будынкамі.
і падвал і асобны склеп і сутарэньні могуць быць перакрыты скляпеньнем.
тое што для віна - піўніца - вінны склеп або вінны пограб.
тое што для бульбы - склеп або просты пограб.
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру