18.12.2017 / 15:07

«Беларуснафта» праводзіць стратэгічнае апытанне: «Як вы ставіцеся да беларускамоўнага абслугоўвання?» вы ведаеце, што рабіць 33

Суполка «Беларуснафты» ў фэйсбуку распачала апытанне «Як вы ставіцеся да беларускамоўнага абслугоўвання»?

Ілюстрацыйнае фота.

«Мы раз-пораз атрымліваем ад падпісчыкаў пажаданні наконт працы нашых АЗС. Адно з апошніх — «Калі б яшчэ на запраўках па-беларуску віталі! Як вы ставіцеся да беларускамоўнага абслугоўвання?», — задаецца пытаннем «Беларуснафта» і прапаноўвае некалькі варыянтаў адказаў.

Для праціўнікаў існуе рускамоўны варыянт «Решительно против».

За няпоўныя суткі пасля публікацыі набегла пад тысячу каментароў, амаль усе яны — за абслугоўванне на тытульнай мове нацыі.

Некаторыя звяртаюць увагу на недарэчнасць пастаноўкі такога пытання, праводзячы паралелі з іншымі еўрапейскімі краінамі: маўляў, ці праводзяць апытанні немцы, перад тым як пачаць абслугоўваць па-нямецку?

Калі ж і вы хочаце выказацца, то можаце зрабіць гэта ў каментах да абмеркавання.

У прэс-службе «Беларуснафты», дарэчы, нам сказалі, што заўсёды прыслухоўваюцца да меркавання сваіх кліентаў і вынікі гэтага апытання будуць «ужытыя пры планаванні стратэгій на будучыню».

АЯ

2
Яуген / Адказаць
18.12.2017 / 15:15
Хоц ты у фэйсбук зарэріструйся каб прагаласаваць:)
4
Аляксандр Шкнай / Адказаць
18.12.2017 / 15:25
На запраўцы лепш каб па-беларуску ўсё, уключаючы цэннікі на булачкі. Мой Хендай-Салярыс  будзе вашым кліентам. І я разам з ім.
4
Юрась / Адказаць
18.12.2017 / 15:26
Я на А100 запраўляліся выключна з-за беларускай мовы. Калі «Беларуснафта» пяройдзе на беларускую мову, то і да іх буду заязджаць, тым больш, што па дарозе.
Паказаць усе каментары/ 33 /
Каб пакінуць каментар, калі ласка, актывуйце JavaScript у наладах свайго браўзеру