18.12.2017 / 21:55

Рэдактару «Вясёлкі» прысвоена званне заслужанага дзеяча культуры 3

Аляксандр Лукашэнка 18 снежня падпісаў указ № 451, у адпаведнасці з якім 89 чалавек уганараваны дзяржаўнымі ўзнагародамі, паведамілі ў прэс-службе кіраўніка дзяржавы.

Прадстаўнікі розных абласцей дзейнасці ўзнагароджаны ордэнамі і медалямі за шматгадовую плённую працу, узорнае выкананне службовых абавязкаў, значны асабісты ўклад у развіццё лёгкай прамысловасці, дарожнай гаспадаркі, аграпрамысловага комплексу, чыгуначнага і воднага транспарту, удасканаленне энергетычнай і падатковай сістэм рэспублікі, забеспячэнне развіцця банкаўскага сектара краіны і фінансавання дзяржаўных праграм, ўкараненне новых тэхналогій дыягностыкі і лячэння насельніцтва, значныя остижения ў сферы адукацыі, культуры, мастацтва і спорту.

Так медалём Францішка Скарыны ўзнагароджаны настаўнік рускай мовы і літаратуры Сноўскай сярэдняй школы Іна Віннік, загадчык лабараторыі гігіены працы РУП «Навукова-практычны цэнтр гігіены» Рыгор Касячэнка. Заслужаным дзеячам культуры Беларусі стаў галоўны рэдактар часопіса «Вясёлка» Уладзімір Ліпскі.

Уладзімір Ліпскі са школьнікамі, фота газеты «Звязда»

0
будулай / Адказаць
18.12.2017 / 22:05
Віншую, для нас ужо даўно так
0
Юзік / Адказаць
19.12.2017 / 00:14
Мае віншаванні. "Вяселка", у свой час, быў суперскі часопіс. 
Пайду, выпішу сваім малым))

0
алесь / Адказаць
19.12.2017 / 14:30
Выдатны чалавек-беларус! У свой час я зачытваўся ягонай кнігай пра  Радавод Ліпскіх. Іх ён па ўсяму свету  аб'яднаў у адной кнізе! А Аўцюкі знакамітыя...а іншыя кінігі і праекты....
Каб пакінуць каментар, калі ласка, актывуйце JavaScript у наладах свайго браўзеру