19.12.2017 / 13:55

«Белгазета» часткова пераходзіць на беларускую мову 17

Рэдактары «Белгазеты» абяцаюць змяшчаць у выданні тэксты па-беларуску. Праўда, пакуль не ўсе.

«Даўно з’явілася жаданне, каб выданне паступова станавілася больш беларускім. Я сам 100% перайду на беларускую мову ў наступным годзе. Акрамя таго, у нас з’явяцца аўтары, якія пішуць толькі і выключна па-беларуску. Астатнія журналісты, якія пішуць па-руску ўсё жыццё, будуць пісаць на той мове, на якой захочуць — усё ж чалавеку няпроста перафарматвацца», -распавёў новы дырэктар «Белгазеты» Кірыл Жываловіч.

Нагадаем, журналіст Кірыл Жываловіч нядаўна стаў новым уласнікам «Белгазеты». Выданне адразу запусціла краўнд-кампанію «Уключы мазгі», збіраюць сродкі, каб падпісаць на «Белгазету» тысячу чыноўнікаў і дзяржслужачых.

Хочаш падзяліцца важнай інфармацыяй ананімна і канфідэнцыйна?

УШ

3
Хэльвіг / Адказаць
19.12.2017 / 14:21
Дзякуй! Вельмі пазытыўная навіна, так і трэба. У Беларусі перавага павінна аддавацца мове тытульнай нацыі, як ва ўсім цывілізаваным сьвеце робіцца. А то ўчора тэлефанаваў у БПС банк (цэнтральны офіс), хацеў удакладніць адну інфармацыю, пытаю ў нейкай дзяўчыны з дзіўным усходнім імем, а яна мне кажа "я вас не разумею, бо я з Расеі, ці не маглі б вы гаварыць па-расейску?". Я кажу, што не, то яна адказвае, што можа вам паклікаць супрацоўніцу, якая размаўляе па-беларуску, я кажу "так", але ў выніку яна мне горда заяўляе, што маўляў у нас тут няма супрацоўніцтв, якія могуць размаўляць беларускай. Лічу, што гэта ганьба для краіны, калі нейкі банк не паважае права сваіх грамадзянаў на карыстаньне роднай мовай.
2
Ілья / Адказаць
19.12.2017 / 14:41
Даслаў 10 BYN. Мала, але калі кожны дашле трошкі, мо і нешта атрымаецца. Поспехаў!
2
Навошта вам маё імя? / Адказаць
19.12.2017 / 14:45
Будзе канкурэнт Нашай Ніве?
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру