19.12.2017 / 15:40

Сяржук Доўгушаў з’язджае з Беларусі: «Гэта будзе новы ўзровень для спеўных сходаў» 25

Амаль да канца лета Сяржук будзе жыць у Варшаве, а пасля, магчыма, працягне свой жыццёвы шлях у ЗША.

Сяржук Доўгушаў, фота з фэйсбука.

Жаданне рэалізаваць сябе па-за межамі Беларусі ў арганізатара «Спеўных сходаў», лідара гурту Vuraj Сержука Доўгушава было даўно. Галоўная прычына — адсутнасць дзяржаўнай падтрымкі для культурных праектаў.

«Хочацца новых стасункаў і сувязяў. Абвастрыла жаданне змяніць месца прапіскі няпростае фінансавае становішча: знаходзіць грошы для арганізацыі мерапрыемстваў усё складаней», — тлумачыць ён.

Сяржук падаў заяўку на стыпендыю Міністэрства культуры Польшчы «Gaude Polonia» і, як высветлілася на днях, выйграў яе.

У Польшчы ён працягне тую ж дзейнасць, якой займаўся і тут: будзе папулярызаваць беларускую музыку і традыцыі. Толькі цяпер многія мерапрыемствы будуць рабіцца сумесна з палякамі. Ад такога міжкультурнага дыялогу, як ён лічыць, культурніцкая дзейнасць толькі выйграе.

А што ж будзе з праектамі Сяргея, «Спеўным сходам» і гуртом Vuraj?

Ён упэўнівае, што нічога страшнага з імі не здарыцца:

«Па-першае, шмат спеўных сходаў будзе праводзіцца непасрэдна ў Польшчы для беларусаў, якія там жывуць. Па-другое, у Беларусі ўжо сфармавалася незалежная каманда, якая працягне арганізатарскую дзейнасць і без мяне. Ды я і сам буду прыязджаць на імпрэзы раз на месяц: усё ж Варшава — гэта не такі далёкі свет. Што тычыцца Vuraj, то, спадзяюся, атрымаецца запрасіць калектыў на месяц у Варшаву, каб на якасным узроўні запісаць там новы альбом».

У планах Сяргея таксама стварыць «Спеўнаму сходу» сайт, каб людзі мелі магчымасць заходзіць туды і самастойна запісваць фанаграмы, знаходзіць народныя песні. «Гэта будзе выхадам на новы ўзровень», — верыць Сяргей.

Што будзе пасля сканчэння стыпендыі, Сяржук пакуль дакладна не ведае.

Хочаш падзяліцца важнай інфармацыяй ананімна і канфідэнцыйна?

Кацярына Карпіцкая

51
каТОЛИК / Адказаць
19.12.2017 / 16:03
Давай, дасвидания!
6
Transit / Адказаць
19.12.2017 / 16:19
Шкада, але насамрэч у творчага чалавека будучынi тут няма.
7
няўжо / Адказаць
19.12.2017 / 16:25
Шаноўная Рэдакцыя, што за тэндэнцыёзна-скандальная падача інфармацыі? Не з'язджае, а едзе працаваць над праектам, выйграўшы стыпендыю. 

Па праграме Гаўда Палёнія ўжо ледзь не палова нашых рокераў, літаратараў і іншых кампазітараў-дырыжораў адвучылася - і нічога, працуюць далей і на Радзіме і ў Еўропе. А вы, не разабраўшыся, зараз справакуеце купу бруду ў адрас Сяржука.
Паказаць усе каментары/ 25 /
Каб пакінуць каментар, калі ласка, актывуйце JavaScript у наладах свайго браўзеру