.png)
У лютым 2018 года завод «БелДжы» выпусціць пробную партыю аўтамабіляў прасцейшую за «Джылі Атлас». Пра гэта сёння ў Палаце прадстаўнікоў паведаміў першы віцэ-прэм'ер Уладзімір Сямашка, піша Tut.by.
Паводле яго слоў, гэта будзе не «паркетнік», а аўтамабіль прасцейшы. Цана на аўтамабіль будзе ў раёне 9,5—11,5 тыс. даляраў.
15 снежня сталі вядомыя цэны на мадэльны шэраг «Джылі». Згодна з прайсам, базавая версія «паркетніка» «Джылі Атлас» стартуе з адзнакі 17 600 даляраў. Пазней прадстаўнікі завода «БелДжы» паведамілі, што прадстаўленыя цэны — рэкамендаваныя для юрыдычных асоб. Фінальны прайс-ліст для фізічных асоб будзе перагледжаны.
