20.12.2017 / 19:48

Кантактная група ў Мінску дамовілася пра навагодняе спыненне агню на Данбасе 5

Кантактная група па ўрэгуляванні сітуацыі на Украіне дамовілася аб спыненні агню ў Данбасе з паўночы 23 снежня, паведамляе РІА-Навіны.

«Кантактная група падкрэсліла неабходнасць забяспечыць мір і спакой на Данбасе ў сувязі з надыходзячымі каляднымі і навагоднімі святамі. Кіруючыся раней дасягнутымі дамоўленасцямі, кантактная група пацвердзіла прыхільнасць захаванню ўсёабдымнага, ўстойлівага і бестэрміновага рэжыму спынення агню з нуля гадзін 23 снежня 2017 года», - паведаміў прадстаўнік Расеі Барыс Грызлоў пасля заканчэння перамоваў у Мінску.

Гэта пацвердзіў і cпецпрадстаўнік АБСЕ Марцін Сайдзік.

Акрамя таго, удзельнікі групы пацвердзілі імкненне правесці абмен палоннымі да святаў, дадаў Грызлоў. Раней Украіна і самаабвешчаныя «ДНР» і «ЛНР» ўзгаднілі спісы: Кіеў павінен перадаць 306 чалавек, а рэспублікі — 74.

Удзельнікі перамоў у Мінску ўжо шмат разоў дамаўляліся аб усёабдымным і бестэрміновым спыненні агню, аднак ані разу яго не ўдавалася ўсталяваць надоўга: абодва ваюючыя бакі неўзабаве заяўлялі пра аднаўленне абстрэлаў.

0
Казік / Адказаць
20.12.2017 / 20:33
Прыйшоў час дзіды і мяча.
0
Э / Адказаць
20.12.2017 / 21:09
Ваван у курсе?
1
Люстэрка / Адказаць
21.12.2017 / 01:15
Калі ўлічваць, што Расея заўсёды хлусіць, то бедныя мірныя жыхары Данбасу. Хто не бачыў, паглядзіце відэа расейскага штурму Грознага ў Навагоднюю ноч 1995 года. http://u1ver.livejournal.com/72041.html
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру