Рашэнне ЗША аб прадастаўленні Украіне лятальнай абарончай зброі — «прынцыповае і доўгачаканае рашэнне» і «годны адказ на працяг акупацыі Расіяй ўкраінскай тэрыторыі».
Пра гэта вечарам 23 снежня заявіў прэзідэнт Пятро Парашэнка на сваёй старонцы ў фэйсбуку, каментуючы рашэнне Дзярждэпа ЗША аб прадастаўленні Украіне «ўзмоцненых абаронных магчымасцяў».
«Як і дамаўляліся з прэзідэнтам Дональдам Трампам, без лішняга шуму, спакойна, Украіна атрымае лятальную абарончую зброю з ЗША. Гэта прынцыповае і доўгачаканае рашэнне Амерыканскай адміністрацыі было пацверджана падчас маёй ўчорашняй размовы з дзяржсакратаром Рэксам Тылерсанам», — адзначыў Парашэнка.
Ён дадаў, што гэта зброя ў руках украінскіх воінаў «не для наступу, а для рашучага адпору агрэсару, абароны ўкраінскіх воінаў і мірнага насельніцтва, а таксама эфектыўнай самаабароны ў адпаведнасці з арт. 51 Статута ААН».
«Гэта таксама трансатлантычная прышчэпка ад расійскага вірусу агрэсіі. … Такі крок у тандэме з узмацненнем санкцый супраць Расеі - годны адказ на працяг акупацыі ўкраінскай тэрыторыі, невыкананне Масквой сваіх абавязацельстваў, і працяг накачкі Данбаса цяжкім зброяй», - заявіў прэзідэнт Украіны.
На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць15
Каментары