У Докшыцкім раёне супрацоўнікі МНС выратавалі двух рыбакоў, што праваліліся пад лёд, паведамляе Белта са спасылкай на Віцебскае абласное ўпраўленне МНС. Паведамленне пра здарэнне на возеры Альшыца ў раёне вёскі Асецішча паступіла ў службу МНС у суботу ў 15.15 ад відавочцы.
У месцы, дзе знаходзіліся рыбакі, таўшчыня лёду дасягала ўсяго 4-5 см. Туды былі накіраваныя падраздзялення МНС Лепельскага раённага аддзела па НС. Мужчын, якія знаходзіліся на адлегласці 400 м ад берага, выратавалі з дапамогай спецсродкаў. Пацярпелымі аказаліся 46-гадовы мінчанін і 64-гадовы жыхар Полацка. Яго шпіталізавалі ў Докшыцкі раённы шпіталь.
Ратавальнікі папярэджваюць аб небяспецы выхаду на няўстойлівы тонкі лёд, асабліва ў сувязі плюсавай тэмпературай, што прыйшла ў Беларусь у нядзелю.