25.09.2008 / 15:52

Увесь Станкевіч 8

Выйшаў з друку 1097-старонкавы збор твораў Адама Станкевіча.

Упершыню ўся друкаваная спадчына айца Адама Станкевіча сабраная пад адной вокладкай. 1097-старонкавы том “З Богам да Беларусі”, які пабачыў сьвет на гэтым тыдні, утрымлівае гістарычныя, публіцыстычныя, рэлігійныя, эпісталярныя творы ксяндза Адама, а таксама артыкулы аб ім. Кнігу, якая мае шанцы стаць самым аб’ёмным і грунтоўным беларускім выданьнем году, уклалі гісторыкі Андрэй Вашкевіч і Алесь Пашкевіч.

Шукайце ў кнігарнях і ў незалежных распаўсюднікаў.

Адам Станкевіч. З Богам да Беларусі: Збор твораў. – Вільня: Інстытут беларусістыкі, 2008

Ул.інф.

0
Адзін з укладальнікаў / Адказаць
25.09.2008 / 16:41
Ну, ня ўся, па шчырасьці кажучы. У том увайшлі толькі тыя творы, якія выдаваліся за жыцьцём аўтара асобнымі кніжкамі ды брашурамі, плюс соймавыя прамовы, праекты па рэформе Каталіцкага касьцёла ды каляндарныя запісы (дзёньнік) кс. Адама. А калі розныя артыкулы пазьбіраць па колішніх газэтах, часопісах і зборніках, то яшчэ гэткі ж том атрымаецца.
0
Анатоль Сідарэвіч / Адказаць
27.09.2008 / 23:07
Андрыюс Вашкявічус і Аляксандрас Пашкявічус трохі перагналі выд-ва Кнігазбор: там я бачыў карэктуру кнігі а. Адама Станкевіча, якая выйдзе ў знакамітай серыі. Пачытаем і па-марксісцку прааналізуем. Ня толькі працы кс. Адама, але й працу складальнікаў.
0
Таксама ўкладальнік / Адказаць
28.09.2008 / 10:15
Ну прыкольныя каментары, укладальнікі калбасяцца паміж сабою. Па-марксісцку, кажаце, ну, можна і па-марксісцку. Станкевіч прынцыповым праціўнікам камунсітычных ідэй не быў: Каб камунізм ды адрокся ад сваей матэр’ялістычнай філёзофіі, або каб прынамся прызнаў прынцып свабоды, дык з ім можна было-б пагадзіцца – цытаваў ксяндза Я. Шутовіч. Шкада ў кнігу не тарпіў артыкул Адама “Цені і блескі (Да лёзунгу “Культура нацыянальная формай – камуністычная зместам”), дзе ксёнзд вельмі прабачліва яшчэ ў 1935 г. апісаў,што бальшавікі зробць з беларускай культурай і з беларускацю ў прынцыпе. Ну ладна, адным словам, чытайце Адама Станкевіча. Зараз спадзяюся кнігазбораўцы Станкеввіча не адмовяцца выдаваць. А то шкада будзе. Думаю што і двух накладаў прац Станкевіча будзе малавата.
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру