27.12.2017 / 13:40

«Зайшоў мужык, пачаў гнаць на Лукашэнку» — у брэсцкай школе наркаман напаў на вучня 11

«Днём 20 снежня ў школу N9 увайшлі два наркаманы, выцягнулі з-за парты вучня і пачалі душыць» — такія чуткі ўжо тыдзень ходзяць па Брэсце.

Высветлілася, што інцыдэнт сапраўды адбыўся, праўда, дэталі трохі адрозніваюцца ад «народнай версіі».

20 снежня невядомы насамрэч зайшоў у будынак школы №9. Ён падняўся на чацвёрты паверх і зайшоў у кабінет, дзе васьмікласнікі чакалі настаўніцу матэматыкі.

«Наша Ніва» пагаварыла з пацярпелым хлопцам. Інцыдэнт адбыўся падчас перапынку пасля пятага ўрока.

«Чакаем настаўніка. Тут заходзіць нейкі мужык, і пачынае гнаць на Лукашэнку, казаць пра тое, што яму ўсё надакучыла. Ён ужо сабраўся сыходзіць, як заўважыў на мне шалік брэсцкага футбольнага «Дынама». Падыйшоў і пачынае цягнуць за яго, душачы мяне. І выгаворвае, маўляў, чаму я заўзею за «Дынама», — распавёў васьмікласнік Макар. —

Ён ужо сцягнуў з мяне шалік, і хацеў сыходзіць. Але я вырваў у яго шалік і выбег на калідор. У гэты час прагучаў званок. Настаўніца матэматыкі, якая ішла ў клас, пабачыла гэтага мужыка. Ён пераключыўся на яе, а я сышоў, бо быў у шоку.

Мужчына пачаў мацюкацца на настаўніцу матэматыкі. Пачуўшы крыкі, з суседняга кабінета выйшаў географ. Мужык убачыў, што сабраўся натоўп (бо назіралі і школьнікі) і, відаць, вырашыў сысці. Але настаўнік геаграфіі спыніў яго, узяў за шыю і павёў па лесвіцы. Як раптам, мужык выкруціўся і ўдарыў географа ў жывот. Далей яны сутыкнуліся лбамі, а нас усіх разагналі па кабінетах».

Настаўнікі скруцілі нападніка і выклікалі міліцыю.

«Ахоўніка як штатнай адзінкі ў школах увогуле няма. Можна наняць самім, калі бацькі вучняў будуць плаціць за гэта. Але ў мінулым годзе бацькі вырашылі, што ахоўнік не патрэбны, — распавяла «Нашай Ніве» Алена Арлова, намесніца дырэктара школы №9. — Цяпер ужо разгледзім пытанне аб усталяванні турнікетаў на ўваходзе, але ж гэта таксама не ў адзін дзень робіцца… Інтэрпрэтацыя і значэнне, якое прыдалі гэтай гісторыі, здзіўляе. Так раздулі гэта!».

Таксама Арлова запэўніла, што затрыманы мужчына не вучыўся раней у гэтай школе.

«Па нашай інфармацыі, нападнік быў адзін — 17-гадовы падлетак. Яго затрымалі настаўнікі — фізрук і гісторык — у фае школы, выклікалі міліцыю. Затрыманы паводзіў сябе неадэкватна. У яго кішэні знайшлі пакуначак з невядомым рэчывам, якое адправілі на экспертызу. Ёсць верагоднасць, што гэта наркотык. Таксама, па папярэдняй версіі, хлопец ужыў наркотыкі ў грамадскім месцы, то бок на тэрыторыі школы, — распавёў «Нашай Ніве» Сяргей Дучэнка, афіцыйны прадстаўнік УУС Брэсцкага аблвыканкама. — Акрамя таго, раней у затрыманага ўжо была судзімасць па лініі наркакантролю».

Цяпер падазраваны на волі, пад падпіскай.

Бацькі Макара ў міліцыю не звярталіся, толькі ў аддзел адукацыі. Чаму яны так вырашылі, хлопец не ведае. Сам ён таксама не звяртаўся да міліцыянтаў.

«У мяне такі характар, што хачу ўсім і ўсё дараваць, ды і не мне вырашаць, ісці ці не ісці [у міліцыю]», — сказаў хлопец.

Улад Швядовіч

11
хідры кублік / Адказаць
27.12.2017 / 14:14
Відаць, госці з усходу, стаміліся чакаць "пуцінпамагі". Не трэба дараваць, бо ён прыйдзе яшчэ.
2
Nex / Адказаць
27.12.2017 / 14:24
А смысл обращаться что этому подростку возместит этот организм?(нинада а то у будущем будя зацепка лучша быть чистым) Начал гнать на лукашенко- ну что тут (видимо парень не живет на пятьсот)))) ну конечно удивляют претензии на любую власть от такого быдла можно подумать им в Швеции жилось бы лучше с их образом жизни и мозгами что заработать в жизни можно исключительно работая на гос предприятии🙄🙄 Итого: в этой стране никогда никакого прогресса не будет ибо два типа населения тому кому скажем по сути фартануло и они оказались у кормушки или хотя бы видят крошки с костями и агрызками от этой кормушки (в силу быдла менталита мая хата с краю малчи сматри сибя особо не заворачиваются помощью другим) и те кто вынужден жить на какие-то там папятисот и тЫщЭ подросток 17 лет уже откуреный имбицил где соц службы где что? Почему я должен жить в этом обществе где людям главное пожрать и радоваться гору соседей
13
сулим / Адказаць
27.12.2017 / 14:42
Наркоманам_уродам вонючим и распространителям,как в Таиланде за 2 грамма и выше _смертная казнь.Довести до всех,захочешь жить _обойдешь стороной,нет _занимай место на кладбище уродина.Побольше показательных казней и увидите порядок будет железный.
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру